რუსი ოკუპანტების მიერ სოფელ ნიქოზთან დაკავებული საქართველოს ორი მოქალაქე გაათავისუფლეს

გორის მუნიციპალიტეტის სოფელ ნიქოზის მიმდებარე ტერიტორიაზე, 23 აპრილს რუსი ოკუპანტების მიერ დაკავებული საქართველოს ორი მოქალაქე გაათავისუფლეს.

ამის შესახებ ინფორმაცია „ინტერპრესნიუსს“ სუს-ში დაუდასტურეს.

ცნობისთვის, ნიქოზის მცხოვრებლები, გაბრიელ მელანაშვილი და თამაზ მჭედლიძე, საოკუპაციო ხაზთან იმყოფებოდნენ, როცა რუსეთის ე.წ. მესაზღვრეებმა აიყვანეს. ისინი ეგრეთ წოდებული საზღვრის გადაკვეთის ბრალდებით დააკავეს.