საგარეო საქმეთა მინისტრი, დავით ზალკალიანი, 2019 წლის 24 აპრილს, ევროკომისიის მიგრაციისა და საშინაო საქმეთა (DG-HOME) გენერალური დირექტორის მოადგილეს საიმონ მორდიუს შეხვდა.
საგარეო საქმეთა სამინისტროს ინფორმაციით, შეხვედრაზე ვრცლად იქნა განხილული საქართველოსა და ევროკავშირის ქვეყნებს შორის თანამშრომლობა მიგრაციის სფეროში.
მათივე ცნობით, განსაკუთრებული ხაზი გაესვა უვიზო მიმოსვლის პოლიტიკურ და პრაქტიკულ მნიშვნელობას ქვეყნის ევროინტეგრაციის გზაზე. მხარეების მიერ განხილულ იქნა ერთობლივ ღონისძიებათა სამომავლო გეგმა, რომელიც უზრუნველყოფს უვიზო რეჟიმით სარგებლობის შეუფერხებელ ფუნქციონირებას. ევროკომისიის მიგრაციისა და საშინაო საქმეთა (DG-HOME) გენერალური დირექტორის მოადგილე საიმონ მორდიუ საქართველოს 23-25 აპრილს სტუმრობს, ვიზიტის ფარგლებში დაგეგმილია მისი შეხვედრები საკანონმდებლო და აღმასრულებელი ხელისუფლების წარმომადგენლებთან.