სატრანსპორტო კომპანია -  უახლოეს პერიოდში იგეგმება მეტროპოლიტენის  ძველი ელექტროსადენებისა და გამნიავებლების შეცვლა

სატრანსპორტო კომპანია უახლოეს პერიოდში უკვე გეგმავს დაიწყოს ძველი ელექტროსადენებისა და გამნიავებლების შეცვლა. ამისთვის გამოყოფილია აზიის განვითარების ბანკის, ADB-ის მიერ 15 მილიონი დოლარი, - ამის შესახებ „ინტერპრესნიუსს“ თბილისის სატრანსპორტო კომპანიაში განუცხადეს.

ამასთან, სატრანსპორტო კომპანია საქართველოს ტრანსპორტისა და გზების ასოციაციის თავმჯდომარე დავით მესხიშვილის განცხადებასაც ეხმაურება, რომლის მიხედვით, თბილისის მეტროპოლიტენში გახშირებულ ტექნიკურ შეფერხებები ერთ-ერთი ფაქტორი სატრანსპორტო კომპანიაში მომუშავე პერსონალის არაპროფესიონალიზმია.

„ადამიანები სატრანსპორტო კომპანიაში, განსაკუთრებით სპეციფიურ თანამდებობებზე და სპეციფიურ სამსახურში მუშაობენ არა ერთი და ორი წელი, არამედ 30 და 40 წელი და არიან თავისი საქმის პროფესიონალები“, - აცხადებენ სატრანსპორტო სამსახურში.

რაც შეეხება მეტროებში არსებულ მოძველებულ ინფრასტრუქტურას, როგორც სატრანსპორტო სამსახურში განმარტავენ, უახლოეს მომავალში, მეტროს გვირაბებში ელექტროსისტემის შეცვლა მთლიანად მოხდება და ამისთვის 15 მილიონი დოლარი უკვე გამოყოფილია.

„სატრანსპორტო კომპანია უახლოეს პერიოდში უკვე გეგმავს დაიწყოს ძველი ელექტროსადენებისა და გამნიავებლების შეცვლა. ამისთვის გამოყოფილია აზიის განვითარების ბანკის, ADB-ის მიერ 15 მილიონი დოლარი. ეს ელექტროსადენიც, ამ ელექტროსისტემის შემადგენელი ნაწილია, რომლის დაზიანება და აალება მოხდა დღეს. რაც შეეხება დანარჩენ მიმართულებას, ესკალატორებს, მუდმივად, ყოველდღიურ რეჟიმში უტარდებათ მათ შემოწმება, ტესტირება და ყოველდღიურად ხდება მათი კაპიტალური თუ მიმდინარე შეკეთება მოვლა-შენახვითი სამუშაოების ფარგლებში. ასე რომ, ამ საკითხებთან დაკავშირებით რომ პრობლემებია, ამაზე ჩვენ თვითონაც ვსაუბრობთ და ამიტომაც ხდება ამ ინფრასტრუქტურული პრიოექტების განხორციელება, რომელიც უახლოეს პერიოდში გაკეთდება“, - განმარტავენ სატრანსპორტო კომპანიაში.

საქართველოს ტრანსპორტისა და გზების ასოციაციის თავმჯდომარე დავით მესხიშვილი თბილისის მეტროპოლიტენში გახშირებულ ტექნიკურ შეფერხებებს რამდენიმე ფაქტორს უკავშირებს.

როგორც ტრანსპორტისა და გზების ასოციაციის თავმჯდომარე „ინტერპრესნიუსთან საუბარში აცხადებს, მსგავსი შემთხვევების არსებობა სატრანსპორტო კომპანიაში მომუშავე პერსონალის არაპროფესიონალიზმსა და მოძველებულ ინფრასტრუქტურას უკავშირდება.

დღეს მეტროსადგურ „გოცირიძესთან“ სადენის აალების გამო მეტროპოლიტენის პირველ ხაზზე მოძრაობა გარკვეული ხნის განმავლობაში პარალიზებული იყო.

ვიქტორ ყიფიანი - შავი ზღვის რეგიონისადმი დასავლეთის მიდგომა ოპერატიულად გადახედვასა და მისადაგებას საჭიროებს
ქართული პრესის მიმოხილვა 03.07.2020
კახა კუკავა - „თავისუფალი საქართველოს“ გარდა, მთელი პოლიტიკური სპექტრი დაშლილებში აწყობილი პარტიებია - ზოგი „ქოცების“ დაშლილებია, ზოგი „ნაცების“
ყაზახეთის რესპუბლიკის ელჩი საქართველოში - ყაზახეთის მიღწევა: პირველი პრეზიდენტის ნ. ნაზარბაევის როლზე (R)
თიბისი იპოთეკური სესხების სუბსიდირების სახელმწიფო პროგრამაში ერთვება
როგორ ვლინდება ლაქტოზის აუტანლობა და რით შეგვიძლია ჩავანაცვლოთ ცხოველური რძე ბავშვთა კვებაში?
მაკა ასათიანი განცხადებას ავრცელებს
„მზადება ზაფხულისთვის“  (R)
"პროკრედიტ ბანკმა" საკუთარი მზის ელექტროსადგური წარადგინა