დონეცკისა და ლუგანსკის მოსახლეობისთვის რუსეთის მოქალაქეობის გამარტივებული წესით მინიჭების შესახებ განკარგულებაზე ხელმოწერის შემდეგ, კრემლის ლიდერმა ვლადიმერ პუტინმა მოგვიანებით კომენტარი გააკეთა და განაცხადა, რომ ეს მხოლოდ ჰუმანიტარული ხასიათის საკითხია.
„რაც შეეხება მოქალაქეობის მიღებას - ეს ფაქიზი თემაა. მე, საერთოდაც, მომხრე ვარ, რომ პროცედურები მაქსიმალურად გავამარტივოთ, მაგრამ ჩვენ არ შეგვიძლია სათანადო ყურადღება არ მივაქციოთ უსაფრთხოების მოთხოვნებს“ - განაცხადა პუტინმა.
მისი თქმით, ამის გაკეთება მიზანშეწონილია მორალური, პოლიტიკური და ეკონომიკური მოსაზრებებით.
„ჩვენ არ გვაქვს არავითარი სურვილი, პრობლემები შევუქმნათ უკრაინის ახალ ხელმძღვანელობას, მაგრამ იმ ვითარების გაძლება, როდესაც დონეცკისა და ლუგანსკის რესპუბლიკის ტერიტორიებზე მცხოვრები ადამიანები საერთო მოკლებულნი არიან რაიმე სახის სამოქალაქო უფლებებს - ეს ყოველგვარ საზღვრებს სცდება ადამიანის უფლებათა დაცვის თვალსაზრისით“ - განაცხადა პუტინმა.