დავით მესხიშვილი - ბოლო პერიოდში სატრანსპორტო კომპანია მეტროდან მგზავრების ევაკუაციის ჟანრში დიდ პროფესიონალად ჩამოყალიბდა

მეტროში გადაუდებელი სამუშაოებია ჩასატარებელი, როდესაც იწვის სადენები, - ამის შესახებ არასამთავრობო ორგანიზაცია „ტრანსპორტისა და გზების ასოციაციის“ თავმჯდომარემ დავით მესხიშვილმა „პალიტრანიუსის“ გადაცემაში „ნიუსრუმი“ განაცხადა, როდესაც თბილისის მეტროში გუშინ მომხდარ ინციდენტს გამოეხმაურა.

დავით მესხიშვილის თქმით, მეტრო დღეს არ არის უსაფრთხო და პრობლემები, რომელიც არსებობს, არაკომპეტენტურობასთან არის პირდაპირ კავშირში.

„ბოლო პერიოდში სატრანსპორტო კომპანია მეტროდან მგზავრების ევაკუაციის ჟანრში ძალიან დიდ პროფესიონალად ჩამოყალიბდა და საგანგებო რეჟიმში გადარჩენას ემსახურება. გვირაბში წყალი ჩამოდის, ხანძარი გაჩნდა სადენებზე და ამავდროულად ამბობენ, რომ მეტრო არის უსაფრთხო. რა თქმა უნდა იტყუებიან, მეტრო დღეს არის საფრთხის შემცველი. აქამდე მივედით არაკომპეტენტური მენეჯმენტის და პრიორიტეტების არასწორად განსაზღვრის შედეგად. კომპანია ნორმალურად თვლის, რომ ეს ამბები მოხდეს და წარმატებად მიიჩნია ის, რომ მგზავრები გამოიყვანეს ისე, რომ არ ამოიწვნენ სადღაც. სად არის რისკების შეფასების ჯგუფი, რომელიც ამბობს, რომ ფორსმაჟორში რაღაც არის შესაცვლელი და გასაკეთებელი? რომელი მომავალი წლის რემონტებზეა საუბარი, არაპროფესიონალიზმი და გულგრილობა არის, რომ საბიუჯეტო სახსრების განაწილება არ ხდება პრიორიტეტების შესაბამისად“, - განაცხადა დავით მესხიშვილმა.

შეგახსენებთ, გუშინ, მეტროს პირველ ხაზზე მოძრაობა შეფერხებული იყო. საგანგებო სიტუაციების მართვის სამსახურის ინფორმაციით, მეტროსადგურ „გოცირიძესთან“ ხანძარი ელექტროსადენებს გაუჩნდა.

იხილეთ ვიდეო: კომპანია ნორმალურად თვლის, ეს ამბები მოხდეს და წარმატებად მიიჩნია, რომ მგზავრები გამოიყვანეს ისე, რომ არ ამოიწვნენ სადღაც - დავით მესხიშვილი

დავით უსუფაშვილი - ახლა ივანიშვილის შუის გაკრეფის კონცეფცია ეხება ყველას, ვინც მის ორბიტაზე არაა, გასაკრეფია, რადგან სახიფათო და პრობლემურია
ქართული პრესის მიმოხილვა 24.08.2019
ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ზაზა ფაჩულიამ „არქი“ იყიდა