ალეკო ელისაშვილი - პირობას ვდებ, რომ ,,ლადოს  ბაღს” ქალაქს დავუბრუნებ

მე პირადად ვდებ პირობას, რომ „ლადოს ბაღს” ქალაქს დავუბრუნებ”, - ამის შესახებ „სამოქალაქო მოძრაობის” ლიდერმა ალეკო ელისაშვილმა სოლოლაკში, „ლადოს ბაღის” დასაცავ აქციაზე განაცხადა, სადაც მთაწმინდის დამოუკიდებელ მაჟორიტარობის კანდიდატ ლევან იოსელიანთან ერთად იმყოფებოდა.

როგორც „ინტერპრესნიუსს” ელისაშვილმა განუცხადა, ბაღის ტერიტორია იყიდება, ამიტომ იგი მიმართავს მერიას, რომ გამოისყიდოს აღნიშნული ბაღი, რადგან ეს არის ერთადერთი მწვანე სივრცე სოლოლაკში, სადაც ადგილობრივები იკრიბებიან.

„ლადოს ბაღში” ჩვენს მიერ გატარებული დასუფთავების აქციის მერე და ლევან იოსელიანის მთაწმინდის მაჟორიტარად წარდგენის შემდეგ მეორე დღესვე გამოაკრეს ბანერი, რომ მიწა იყიდება. როგორც ჩანს, ისინი ხვდებიან,რომ ამ სკვერში ვერაფერს ვერ ააშენებენ, უნდათ,მოგვიშორონ და ძალიან კარგი, ამას ჩვენ მივესალმებით, ამას ვითხოვთ ზუსტად, რომ ახლა მერიამ უნდა გამოისყიდოს ეს სკვერი, უნდა მიწა გაუცვალოს, ჩაიწეროს კალძემ ქულები და ჩვენ ტაშს დავუკრავთ, იმიტომ რომ სოლოლაკის მოსახლეობას სხვა სკვერი არ აქვს.აქ ერთი კვადრატული მწვნე სივრცეც არ არის - გარდა ამ ბაღისა. მაჟორიტარული არჩევნები რა შედეგითაც არ უნდა დასრულდეს, ჩვენ ამ ბაღისთვის ბრძოლას გავაგრძელებთ და მე პირადად ვდებ პირობას, რომ ამ ბაღს ქალაქს დავუბრუნებ”, - განაცხადა ალეკო ელისაშვილმა.

ლევან იოსელიანის თქმით, ქალაქის მერიამ უნდა გამოისყიდოს ან ადგილმონაცვლეობის გზით, მესაკუთრისგან უნდა დაიხსნას “ლადოს ბაღი” და დაუბრუნოს ქალაქს.

„ლადოს ბაღი” ერთადერთი სკვერია სოლოლაკში ამაღლების ქუჩაზე და ყველაფერს გავაკეთებთ, რომ ეს ადგილი მოსახლეობას დაუბრუნდეს. ადგილობრივები პატარებს ტროტუარებზე ასეირნებენ, მაშინ როდესაც ეს არაჩვეულებრივი ადგილი კიდევ ერთხელ იყიდება. ქალაქის მერიამ უნდა გამოისყიდოს ან ადგილმონაცვლეობის გზით, მესაკუთრისგან უნდა დაიხსნას “ლადოს ბაღი” და დაუბრუნოს ქალაქს. არავინ იფიქროს, რომ ეს წინასაარჩევნო სპექტაკლია. პირადად, მე ჩემს გუნდთან და სოლოლაკელებთან ერთად, არჩევნების მერე გაორმაგებულ ძალისხმევას დავხარჯავთ, რომ „ლადოს ბაღი” დაუბრუნდეს მის ნამდვილ მფლობელს - ადგილობრივ მოსახლეობას“, - განაცხადა ლევან იოსელიანმა.

ევროკავშირის სადამკვირვებლო მისიის ხელმძღვანელი - ახლა უმთავრესი გამოწვევა დიალოგის განახლებაა, წინააღმდეგ შემთხვევაში, ვშიშობ, რომ ადგილზე გვექნება გართულებული ვითარება
ლევან ნატროშვილი - მიუხედავად იმისა, რომ საარჩევნო კოდექსში ბევრი დადებითი ცვლილება განხორციელდა, ისინი ბოლომდე ვერ პასუხობს  ეუთო/ოდირის რეკომენდაციებს
ქართული პრესის მიმოხილვა 02.07.2020
აჭარის ტურიზმის დეპარტამენტის თავმჯდომარე - მოვუწოდებ ყველა ქართველს, იმოგზაურონ ჩვენს რეგიონში, მათთვის ბევრი საინტერესო პროდუქტი გვაქვს
ვანო ჩხარტიშვილი - მამუკა ხაზარაძე დღეს მომავლის საშვის აღებას წარსულის გადაწერით ცდილობს
ძუძუს კიბო და ადრეული დიაგნოსტირების როლი მის მკურნალობაში
„თბილღვინო“ სოციალური პასუხისმგებლობის ფარგლებში შეჭირვებულ ოჯახებს ეხმარება
საუკეთესო სავალუტო კურსი ტერაბანკისგან
საქართველოში სერვისი ბინა გაქირავების გარანტიით შემოვიდა - მესაკუთრეები დაზღვევის სახით ბინის ღირებულების 5%-ს მიიღებენ
„ვისოლი“ Smart Pay ფორმატის ავტოგასამართი სადგურების ქსელს ავითარებს
Apple Pay ხალიკ ბანკი საქართველოს მომხმარებლებისთვის