რუსეთის უშიშროების საბჭოს თავმჯდომარის მოადგილის რაშიდ ნურგალიევის განცხადებით, აუცილებელია ზომების მიღება იმ საფრთხეებთან დაკავშირებით, რომელიც მეზობელ საქართველოში არსებული ბიოლაბორატორიიდან მოდის. „რესის“ ინფორმაციით, ამის შესახებ ნურგალიევმა ოკუპირებულ ცხინვალში ყოფნისას განაცხადა.
სააგენტოს ცნობით, დეფაქტო პრეზიდენტმა ანატოლი ბიბილოვმა და რაშიდ ნურგალიევმა „რესპუბლიკის“ სოციალურ-ეკონომიკური განვითარების საკითხზე თათბირი გამართეს, რომლის დროსაც დე-ფაქტო რეჟიმის მხრიდან ოკუპირებულ ტერიტორიაზე ფაროსანას გავრცელების საფრთხეზეც ისაუბრეს.
ნურგალიევმა ე.წ. სამხრეთ ოსეთში რთულ ეპიდემიოლოგიურ ვითარებაზე ისაუბრა რაშიდ ნურგალიევმა და განაცხადა, რომ საკითხი შეისწავლეს. „არ გამოვრიცხავთ, რომ ეს შეიძლება გრიპის გარკვეული შტამი იყოს, რომელიც ლუგარის ლაბორატორიიდან არის შემოტანილი. ვვარაუდობთ, რომ ეს ვირუსის სახესხვაობაა. ეს ეროვნული უსაფრთხოების ელემენტია და აუცილებელია შესაბამისი ზომების მისაღებად მათთან საბრძოლველად“ - განაცხადა ნურგალიევმა.