ბაგრამის საავიაციო ბაზაზე უფლებამოსილების გადაბარების ცერემონიალი გაიმართა

საქართველოს თავდაცვის ძალების 43-ე მსუბუქმა ქვეითმა ბატალიონმა 22-ე ბატალიონისგან სამშვიდობო მისია ოფიციალურად გადაიბარა. როგორც „ინტერპრესნიუსს“ თავდაცვის სამინისტროდან აცნობეს, დღეიდან IV მექანიზებული ბრიგადის 43-ე ბატალიონი ავღანეთში, ბაგრამის საავიაციო ბაზის უსაფრთხოების დაცვის ამოცანას 7 თვის განმავლობაში შეასრულებს. მათი ინფორმაციით, უფლებამოსილების გადაცემის ცერემონიალი ბაგრამის საავიაციო ბაზაზე გაიმართა.

საავიაციო ბაზის მეთაურმა, ბრიგადის გენერალმა დანიელ კონლიმ 22-ე ბატალიონის ჯარისკაცებს გაწეული სამსახურისთვის მადლობა გადაუხადა და აღნიშნა, რომ ქართველი სამხედროები სამშვიდობო მისიის განმავლობაში სამაგალითოდ იქცეოდნენ. მიისვე თქმით, ქართველებთან მხარდამხარ სამსახური საამაყოა.

სამშვიდობო მისიის ოფიციალური გადაბარების ცერემონიალზე საქართველოს, აშშ-ის და ავღანეთის ეროვნული ჰიმნები შესრულდა. ღონისძიების დასასრულს დაჯილდოების ცერემონიალი გაიმართა.

ავღანეთში საქართველოს თავდაცვის ძალების უფროსმა სამხედრო წარმომადგენელმა, პოლკოვნიკმა მალხაზ მერლანმა, თავდაცვის ძალების სამხედრო წარმომადგენლობის სერჟანტმა, მასტერ სერჟანტმა რამაზ პაიკიძემ და 22-ე ბატალიონის მეთაურმა, ვიცე-პოლკოვნიკმა თედორე პაპავამ 22-ე ბატალიონის სამხედრო მოსამსახურეები უწყებრივი მედლებით: „გენერალი კვინიტაძე“, „გენერალი მაზნიაშვილი“ და „გიორგი ანწუხელიძე“ დააჯილდოვეს.

22-ე ბატალიონის მეთაურმა, ვიცე-პოლკოვნიკმა თედორე პაპავამ და 43-ე ბატალიონის მეთაურმა, ვიცე-პოლკოვნიკმა ლაშა დავითაძემ სიმბოლური საჩუქრები გაცვალეს.

თავდაცვის სამინისტროს ცნობით, უფლებამოსილების გადაბარების ოფიციალურ ცერემონიალს ბაგრამის საავიაციო ბაზაზე დისლოცირებული სხვადასხვა ქვეყნის სამხედრო მაღალჩინოსნები დაესწრნენ.

ალექსეი მალაშენკო - ვინც არ უნდა მოიგოს საქართველოს არჩევნებში, აფხაზეთისა და სამხრეთ ოსეთის საკითხებში არაფერი შეიცვლება, ამიტომ, კრემლისთვის პრინციპული მნიშვნელობა არ აქვს, ვინ გაიმარჯვებს
ქართული პრესის მიმოხილვა 06.07.2020
ზაალ ანჯაფარიძე - შაქარაშვილის საქმესთან დაკავშირებით კითხვები უფრო მეტია, ვიდრე პასუხები, რაც გამოწვეულია რამდენიმე გარემოებით
„ალიანს ჯგუფი“ BDO-სთან პარტნიორობით SAP Business One-ს ნერგავს
გაზელ ფაინენსის ინვესტიცია სანიორეს მეღვინეობაში, ნაფარეულის მიკროზონაში ვენახების მფლობელ კომპანიაში
„თბილღვინო“ განაგრძობს საკუთარი ვენახების განვითარებას
უპროცენტო განვადება და საჩუქარი მომხმარებელს - რას სთავაზობს კომპანია ,,ჯეო გლასი"
ბიზნეს-ცენტრი ატრიუმი - პრაქტიკული არჩევანი
„PSP ყველგან შენი ოჯახის გვერდით“ კამპანიის ფარგლებში ბრიტანული კონცეფციის აფთიაქი წყნეთში გაიხსნა
ტერაბანკი ბიზნესკლიენტებს საქმიანობის პოპულარიზაციაში დაეხმარება
ლიბერთი იპოთეკური სესხების სუბსიდირების სახელმწიფო პროგრამაში ჩაერთო