საფრანგეთის პრეზიდენტმა ემანუელ მაკრონმა და გერმანიის კანცლერმა ანგელა მერკელმა სერბეთსა და კოსოვოს შორის ურთიერთობების დარეგულირების ახალი ინიციატივის შესახებ განაცხადეს.
გერმანიისა და საფრანგეთის ლიდერები ერთმანეთს ბერლინში ბალკანეთის საკითხებზე გამართულ არაფორმალურ სამიტზე შეხვდნენ. ლიდერებმა მოლაპარაკებებში ყველა ქვეყნის ჩართულობის შესახებ ისაუბრეს.
ემანუელ მაკრონმა შეხვედრის დროს განაცხადა, რომ მათი მიზანი ამ მომენტში არა ევროკავშირის გაფართოება, არამედ რეგიონში სტაბილურობის მიღწევაა.
შეგახსენებთ, რომ კოსოვო სერბეთს 2008 წელს გამოეყო და დამოუკიდებლობა გამოაცხადა, რასაც მსოფლიოს მაშტაბით 100-ზე მეტი ქვეყანა, მათ შორის აშშ და ევროპის ქვეყნების უმეტესობა აღიარებს.