მოსამართლეების არჩევის წესზე ეკა ბესელიას მიერ მომზადებული პროექტის განხილვა ისე დასრულდა, რომ თანამომხსენებლებს განხილვაში მონაწილეობა არ მიუღიათ

პარლამენტის პლენარულ სხდომაზე უზენაესი სასამართლოს მოსამართლეების არჩევის წესზე დეპუტატ ეკა ბესელიას მიერ მომზადებული საკანონმდებლო პაკეტის განხილვა ისე დასრულდა, რომ განხილვის პროცესში თანამომხსენებლებს მონაწილეობა არ მიუღიათ.

სხდომათა დარბაზში საერთოდ არ იმყოფებოდა აღნიშნულ კანონპროექტზე წამყვანი კომიტეტის - იურიდიულ საკითხთა კომიტეტის თავმჯდომარე ანრი ოხანაშვილი, რომელიც ერთ-ერთი თანამომხსენებელია.

როგორც აღნიშნულთან დაკავშირებით პლენარული სხდომის წამყვანმა თამარ ჩუგოშვილმა განმარტა, რეგლამენტის თანახმად, პლანერულ სხდომათა დარბაზში თანამომხსენებლის არყოფნა კანონპროექტის განხილვას არ აფერხებს. ჩუგოშვილმა აქვე დასძინა, რომ შესვენების დასრულების შემდეგ მან კოლეგებს, მათ შორის წამყვანი კომიტეტის თავმჯდომარეს დარბაზში შესვლისკენ მოუწოდა.

პარლამენტის რეგლამენტის 111-ე მუხლში, რომელიც კანონპროექტის პლენარულ სხდომაზე პირველი მოსმენით განხილვის პროცედურას არეგულირებს, წერია, რომ მომხსენებლის გამოსვლის დასრულების შემდეგ სიტყვით თანამომხსენებელი გამოდის. თანამომხსენებლის გამოსვლის დასრულების შემდეგ კი, პარლამენტის წევრებს უფლება აქვთ კანონპროექტის თაობაზე შეკითხვებით მიმართონ მას.

უზენაესი სასამართლოს მოსამართლეობის კანდიდატების შერჩევის წესთან დაკავშირებით დეპუტატ ეკა ბესელიას მიერ მომზადებული პროექტი სესიაზე პირველი მოსმენით განიხილეს.

სტეპან გრიგორიანი - სომხურმა შენაერთებმა ის სამი სიმაღლე დაიკავეს, რომელსაც ადრე აზერბაიჯანი აკონტროლებდა
რასიმ მუსაბეკოვი - როცა მოლაპარაკებები არანაირ შედეგს  არ იძლევა, ასეთი ვითარება მხოლოდ ომის განახლებით შეიძლება დასრულდეს, ამაში ეჭვი არავის არ უნდა ეპარებოდეს
ქართული პრესის მიმოხილვა 16.07.2020
ზაზა ფირალიშვილი - არ ჩანს დიდი იდეა, არ ჩანან პოლიტიკური აქტორები, რომლებიც თავისი გადამდები ენთუზიაზმით და ენერგიით „აამოძრავებდნენ“ საზოგადოებას
HOUSE.GE - ახალი პლატფორმა მშენებარე და ახალაშენებული ბინებისთვის
"გალფში" საზაფხულო გათამაშება დაიწყო
WWW.TIME.GE – საათებისა და სამკაულების ახალი ინტერნეტ მაღაზია
ჰიუნდაი ავტო საქართველომ სონატას ახალი მე-8 თაობის მოდელი წარადგინა
სასტუმრო „ბილტმორ თბილისის“ სპა ცენტრი განახლებული შეთავაზებებით ჩვეულ რეჟიმს უბრუნდება