თბილისის მერსედეს-ბენცის მოდის კვირეული იწყება

თბილისის მერიის მხარდაჭერით, 2-6 მაისს თბილისის მერსედეს-ბენცის მოდის კვირეული გაიმართება, რომელსაც სახვითი ხელოვნების მუზეუმი უმასპინძლებს. თბილისის მერიის ინფორმაციით, ჩვენება ძირითადი ადგილმდებარეობის გარდა გაიმართება ვერის პარკის საკალათბურთო დარბაზში, დინამოს სტადიონზე, აეროპორტის ანგარში, ზურაბ წერეთლის მონუმენტთან და საბჭოთა არქიტექტურის სხვა გამორჩეულ ძეგლებთან.

მათი ინფორმაციით, მოდის კვირეულის ფარგლებში 70-ზე მეტი დიზაინერი საკუთარ კოლექციას მუზეუმში მდებარე საგამოფენო დარბაზებშიც გამოფენს, რომლებიც დროებით მთლიანად კონცეპტუალური ხელოვნების სივრცეებად გარდაიქმნება.

„Mercedes-Benz Fashion Week Tbilisi-ის მოდის კვირეულს, პარტნიორების, მათ შორის სსიპ-ის „აწარმოე საქართველოში“ ხელშეწყობით, ასზე მეტი საერთაშორისო სტუმარი დაესწრება. თბილისში მსოფლიო მოდის დედაქალაქების ისეთი პრესტიჟული სავაჭრო სახლებიდან, როგორიცაა Galeries Lafayette , Buying office, Harvey Nichols, Net-a-Porter, Printemps Paris, Liberty London, Moda Operandi, Macondo Store, The Gloss, Browns Fashion, შემსყიდველთა უპრეცედენტო რაოდენობა ჩამოვა.

ტურიზმის ეროვნული ადმინისტრაციის მხარდაჭერით თბილისს ეწვევიან ცნობილი გამოცემების: Elle, Vogue US, Vogue Italy, Vogue Japan, Vogue Poland, VOGUE Nederland, Vogue Russia, Vogue Czech, Vogue Mexico & Latin America, I-D Magazine, Dazed Magazine, Le Figaro, Conde Nast International, Forbes USA, Marie Claire Turkey, L’Officiel Paris, L’Officiel Turkey, Esquire Turkey, LVMH Group, The Times, Business of Fashion მთავარი რედაქტორები და ჟურნალისტები.

Mercedes-Benz Fashion Week Tbilisi-ს ფარგლებში 5 დღის განმავლობაში გაიმართება ჩვენებები, შოუები, წარმოდგენები, გამოფენები, მასტერკლასები და ცნობილი ბრიტანელი მოდის მენტორის ელისონ ლოუის (Alison Lowe) ვორქშოპი საერთაშორისო გაყიდვებში.

კვირეულის ერთ-ერთი გამორჩეული პერსონა ლეგენდარული იაპონელი არტისტი და დიზაინერი ჰიროში ფუჯივარაა, რომელიც თავის გუნდთან ერთად და ახალი იდეებით უკვე მეორედ ეწვევა თბილისის მერსედეს-ბენც მოდის კვირეულს. მსოფლიოში ქუჩის მოდის ერთ-ერთ პიონერად აღიარებული ფუჯივარა ტოკიოში ყველაზე ცნობილი მოდური უბნის ურა-ჰარაჯუკუს სულის ჩამდგმელია. დღეს ტოკიოს ყველაზე კონცეპტუალური ქუჩა, არა მხოლოდ ტურისტებისთვის საინტერესო ადგილი, არამედ თანამედროვე იაპონიის მოდისა და ხელოვნების ცენტრიცაა. 80-იან წლებში პირველი მოდის სახლის Good Enough-ის შექმნამდე ჰიროში ფუჯივარა Nike-ის და Levis-ის მოდური ხაზის დიზაინერი იყო.

დღეისათვის ქართველი დიზაინერების სამოსი მსოფლიოს თითქმის ყველა ქვეყანაში, ყველაზე პოპულარულ გალერეებსა და ბუტიკებში იყიდება. ქართველი დიზაინერების ნამუშევრები მსოფლიო ვარსკვლავებმა მოირგეს და ხშირად მათ სასცენო კოსტიუმებადაც ირჩევენ, მათ რიცხვშია: Lady Gaga, Bjork, Rihanna, Heidi Klum, Katy Perry, Beyoncé Knowles, Winnie Harlow, Olivia Culpo, Isabelle Huppert, Elle Fanning, Gigi Hadid, Paloma Faith, Lord, Kelela, Ashlee Simpson, Kat Graham, Amber Valletta, Jessie J, Kelly Zutrau, Janice Delon, Kristen Noel, Nathalie Kelley, Kelly Rowland, Solange Knowles, Kendall Jenner, Alek Wek, Pamela Anderson, Kourtney Kardashian, Mary J Blige, Angelina Jolie, Bella Hadid, Doutzen Kroes, Elizabeth Sulcer, Tiffany Hsu, Jessica Chastain, Lindsay Lohan, Isla Fisher, Tiffany Hsu, იორდანიის დედოფალი Rania, Kelsea Ballerini, Mathilde Ollivier და სხვა“, - აღნიშნულია დედაქალაქის მერიის მიერ გავრცელებულ ინფორმაციაში.

მათივე ცნობით, Mercedes-Benz Fashion Week Tbilisi-ის დიზაინერები Pitti Uomo-ს პრესტიჟულ გამოფენა-გაყიდვაზე მონაწილეობის შემდეგ იაპონიის ერთ-ერთ ყველაზე მსხვილ გამოფენაზე Fashion World Tokio 2019 მიიწვიეს. ქართველი დიზაინერების ნამუშევრები პარიზის, მილანისა და ლონდონის შოურუმებშიც გამოიფინა.

„2019-2020 წლების შემოდგომა-ზამთრის კოლექციებს თბილისში 48 ქართველი და უცხოელი დიზაინერი, მათ შორის რამდენიმე პირველად წარმოადგენს. Mercedes-Benz Fashion Week Tbilisi-ს ფარგლებში უცხოელ მოდის კრიტიკოსებთან და შემსყიდველებთან დაგეგმილი სამუშაო შეხვედრები ხელს შეუწყობს ახალგაზრდა ქართველ დიზაინერებს, კავშირები დაამყარონ მოდის სამყაროში ცნობილ და გავლენიან ფიგურებთან.

24 წელია, რაც Mercedes-Benz მოდის ყველაზე პრესტიჟული ღონისძიებების ჩვენებების პარტნიორად იქცა. ანალოგიური მოდის კვირეულები ბერლინში, მილანში, ლონდონში, ნიუ-იორკში, სტამბულში, მოსკოვში და კიდევ სხვა მრავალ ქალაქში ტარდება. ის 50 ქვეყანაში უწყობს ხელს ახალგაზრდა დიზაინერების აღმოჩენას და აცნობს მათ მსოფლიოს.

ღონისძიების მნიშვნელობა წელსაც ზუსტად ეხმიანება Mercedes-Benz Fashion Week-ის კონცეფციას: თანამედროვე მოდის ინდუსტრიისა და სახელოვნებო სცენის ერთდროულ წარმოჩენას. მოდა ბიზნესთან ერთად თანამედროვე ხელოვნების განუყოფელი ნაწილია. მოდის კვირეულზე ჩამოსული უცხოელი სტუმრები ახალი თაობის დიზაინერებთან ერთად ქართულ კულტურასაც ეცნობიან და მსოფლიოს აცნობენ.

მოდის კვირეული იმართება ქალაქ თბილისის მერიის, საქართველოს განათლების, მეცნიერების, კულტურისა და სპორტის სამინისტროს, ეკონომიკისა და მდგრადი განვითარების სამინისტროს, ტურიზმის ეროვნული ადმინისტრაციისა და სსიპ-ის -"აწარმოე საქართველოში" მხარდაჭერით.

პროექტის გენერალური პარტნიორები არიან: კომპანია Mastercard და AIR France. მოდის კვირეული ირჩევს GULF-ის საწვავს.

პროექტის მედია პარტნიორები არიან: ტელეკომპანია "რუსთავი-2", ონლაინ ჟურნალი Hammock Magazine, ქართულენოვანი ბიზნეს გამოცემა Forbes Women და რადიო „ფორტუნა პლუსი“, - ნათქვამია თბილისის მერიის ინფორმაციაში.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
აკადემიკოსი გიორგი ჯაფარიძე - ქვეყანა რომ წარმოდგენილი იყოს მსოფლიოს სამეცნიერო რუკაზე, აუცილებელია მასში მცხოვრები მეცნიერები თავისი საქმიანობით მონაწილეობდნენ საერთაშორისო სამეცნიერო პროცესში
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს