წლის ბოლომდე, თბილისში 8-მეტრიანი Isuzu-ს ფირმის ავტობუსები შემოვა

წლის ბოლომდე თბილისში 8-მეტრიანი, 220, Isuzu-ს ფირმის ახალი ავტობუსი შემოვა. ამის შესახებ დედაქალაქის მერმა კახა კალაძემ მუნიციპალიტეტის მთავრობის სხდომაზე განაცხადა. როგორც კალაძემ აღნიშნა, ავტობუსები თანამედროვე სისტემებით იქნება აღჭურვილი.

"დასრულდა ტენდერი და გაფორმდა ხელშეკრულება 220 ავტობუსის შემოყვანასთან დაკავშირებით. გვყავს ტენდერში გამარჯვებული კომპანია და წლის ბოლოსთვის 220 ერთეული 8-მეტრიანი ავტობუსებუსი უნდა შემოვიდეს. ეს არის ის პროგრამა, რაზეც ჩვენ ვსაუბრობთ, რომ უნდა ჩავანაცვლოთ არსებული ყვითელი ავტობუსები, რომლებსაც ყველანაირი რესურსი ამოწურული აქვთ და სერიოზულ პორბლემას და დისკომფორტს წარმოადგენს როგორც მგზავრებისთვის, ასევე ზოგადად, ჰაერის დაბინძურების თვალსაზრისით. ამ მიმართულებითაც არსებული ავტობუსების პარკი არის პრობლემა. შესაბამისად, ჩვენს მიერ გაცხადებული სატრანსპორტო პოლიტიკა, რომელიც რამდენიმე მნიშვნელოვან პოლიტიკას მოიცავს, როგორც ავტობუსების ჩანაცვლებას, ასევე მეტროს ვაგონების განახლებას, მოწესრიგებას, მეტროში არსებული სიტუაციის გაუმჯობესებას. ეს არის ძალიან მნიშვნელოვანი პრიორიტეტი“, - განაცხადა კახა კალაძემ.

რაც შეეხება კონკრეტულად 8-მეტრიან ავტობუსებს, როგორც კახა კალაძემ აღნიშნა, ავტობუსები აღჭურვილი იქნება თანამედროვე სტანდარტის ინტეგრირებული გათბობის, კონდიცირების და ვენტილაციის, ასევე საინფორმაციო ხმოვანი სისტემებით, ანტივანდალური ვიდეომონიტორინგის სისტემით, USB დამტენებით, WI-FI -მოდემით, რომელიც უზრუნველყოფს ავტობუსის WI-FI სიგნალით დაფარვას, ანუ ამ ავტობუსებში შესაძლებელი იქნება უფასო ინტერნეტით სარგებლობა.

„8-თვიან პერიოდში მოხდება ავტობუსების მოწოდება. ჩვენს მიერ გაცემულ დაპირებას ვასრულებთ და ძალიან მალე ქალაქს ეყოლება ახალი, 220, 8-მეტრიანი ავტობუსი. გარდა ამისა, უახლოეს დღეებში წარმოვადგენთ 10-მეტრიან ავტობუსებს, რომლის ნაწილი დედაქალაქში ჩამოსულია და პრეზენტაცია რამდენიმე დღეში გვექნება. ეს ავტობუსები მოემსახურება თბილისის მოსახლეობას, ისინი განთავსებული იქნება სხვადასხვა მარშრუტებზე, სხვადასხვა რაიონებში და უბნებში. ეს ტენდერი, რომელზეც ახლა ვსაუბრობ, დიდი ხნის განმავლობაში მიმდინარეობდა, იყო დავები, თუმცა, საბოლოოდ დასრულდა და გვყავს გამარჯვებული კომპანია. ავტობუსის ფირმა არის ISUZU. ფერს მოსახლეობასთან ერთად გადავწყვეტთ. ეს არის ევრო 6 დიზელზე მომუშავე ავტობუსები. ყველა სტანდარტს, როგორც ევროპულ ქალაქებშია, შესყიდვის დროს ვითვალისწინებთ. ამ სტანდარტებით იქნება ყველა ის ავტობუსი, რომელსაც მუნიციპალიტეტი შეისყიდის",- განაცხადა კალაძემ.

ალექსეი მალაშენკო - ვინც არ უნდა მოიგოს საქართველოს არჩევნებში, აფხაზეთისა და სამხრეთ ოსეთის საკითხებში არაფერი შეიცვლება, ამიტომ, კრემლისთვის პრინციპული მნიშვნელობა არ აქვს, ვინ გაიმარჯვებს
ქართული პრესის მიმოხილვა 06.07.2020
ზაალ ანჯაფარიძე - შაქარაშვილის საქმესთან დაკავშირებით კითხვები უფრო მეტია, ვიდრე პასუხები, რაც გამოწვეულია რამდენიმე გარემოებით
უპროცენტო განვადება და საჩუქარი მომხმარებელს - რას სთავაზობს კომპანია ,,ჯეო გლასი"
ბიზნეს-ცენტრი ატრიუმი - პრაქტიკული არჩევანი
„PSP ყველგან შენი ოჯახის გვერდით“ კამპანიის ფარგლებში ბრიტანული კონცეფციის აფთიაქი წყნეთში გაიხსნა
ტერაბანკი ბიზნესკლიენტებს საქმიანობის პოპულარიზაციაში დაეხმარება
ლიბერთი იპოთეკური სესხების სუბსიდირების სახელმწიფო პროგრამაში ჩაერთო