ამერიკის სახელმწიფო მდივნის მაიკ პომპეოს განცხადებით, აშშ-ს საჭიროების შემთხვევაში, შეუძლია ვენესუელაში სამხედრო ოპერაციის ინიცირება. მისი თქმით, სამხედრო ოპერაცია შესაძლოა, აუცილებელი იყოს ვენესუელაში ხანგრძლივი არეულობების შესაჩერებლად. ამის შესახებ „ფოქსბიზნესი“ იუწყება.

პომპეოს განცხადებით, ამერიკა იმედოვნებს, რომ ხელისუფლების მშვიდობიანად გადაცემა მოხდება.

„ჩვენ ვამჯობინებთ ხელისუფლების მშვიდობიან გადაცემას, რომლის დროსაც ნიკოლას მადურო წავა და შედგება ახალი არჩევნები“ - განაცხადა პომპეომ.