ოკუპირებული აფხაზეთის ოპოზიციური ძალების ბლოკმა „პრეზიდენტობის“ კანდიდატად ასლან ბჟანიას კანდიდატურა დაასახელა

ოკუპირებული აფხაზეთის ოპოზიციური ძალების ბლოკმა დღეს გამართულ პრესკონფერენციაზე „პრეზიდენტობის“ კანდიდატი დაასახელა. ამის შესახებ ინფორმაციას „სპუტნიკ-აბხაზია“ ავრცელებს.

აფხაზეთის სახელმწიფოებრიობის დაცვის ეროვნული მოძრაობის შტაბის ხელმძღვანელმა თეიმურაზ ხიშბამ განაცხადა, რომ პრეზიდენტობის კანდიდატად ასლან ბჟანია იქნება წარდგენილი.

აღსანიშნავია, რომ 18 აპრილს ასლან ბჟანია მოსკოვის ერთ-ერთ საავადმყოფოში ჯანმრთელობის გაუარესების გამო გადაიყვანეს.

„დღეს შეგვიძლია ვთქვათ, რომ ასლან ბჟანიას ჯანმრთელობის მდგომარეობა სტაბილურია. მკურნალობის კურსის გავლის შემდეგ კი, ის სრულფასოვნად შეძლებს პოლიტიკურ საქმიანობაში ჩართვას“, - განაცხადა თეიმურაზ ხიშბამ.