უკრაინის არჩეული პრეზიდენტი ვლადიმირ ზელენსკი რუსეთის პრეზიდენტს ვლადიმერ პუტინს პასუხობს იმის შესახებ, რომ „ორივე ქვეყანას ბევრი საერთო აქვს“.

„დიდხანს ვიფიქრე „ბევრი საერთოს“ შესახებ უკრაინასა და რუსეთს შორის. რეალობა ამგვარია, რომ დღეს, ყირიმისა და დონბასის ანექსიის შემდეგ, „საერთოდან“ დაგვრჩა მხოლოდ ერთი - სახელმწიფო საზღვარი“, - წერს ზელენსკი „ფეისბუქის“ პირად გვერდზე.

მისი თქმით, რუსეთმა უკრაინის მხრიდან თითოეულ კილომეტრზე კონტროლი უნდა დააბრუნოს და მხოლოდ ამის შემდეგ იქნება შესაძლებელი „საერთოს“ ძიების გაგრძელება.

როგორც ცნობილია, ვლადიმერ ზელენსკის განცხადებას, რომ მზად არის რუსეთის ყველა მოქალაქეს უკრაინის პასპორტი გადასცეს, კრემლის ლიდერმა უპასუხა: „ეს ძალიან კარგია. ეს იმაზე მეტყველებს, რომ ჩვენ მოვილაპარაკებთ, რადგან ჩვენ ბევრი რამ გვაქვს საერთო“.