ყველა, ვინც ცდილობს, ფოკუსი რუსული ოკუპაციიდან დავით გარეჯზე გადაიტანოს, საქართველოს არაკეთილმოსურნეების ინტერესებს ემსახურება, - ამის შესახებ „ევროპული საქართველოს" წევრმა გიორგი კანდელაკმა განაცხადა.
„არ არის არც საქართველოს და არც აზერბაიჯანის ბრალი, რომ თავის დროზე ძალით შეგვათრიეს საბჭოთა კავშირში და სტალინის თანხმობით მათ, კომუნისტებმა საზღვარი გაავლეს იქ, სადაც გაავლეს იმისთვის, რომ ჩვენ შორის მუდმივად ყოფილიყო უთანხმოება. 2011 წლის შემდეგ ამ პროცესში დადებითი დინამიკა იყო, მთავარი ბრალეულობა კი ჩვენი მთავრობისაა, რომელმაც ვერ შეძლო ამ დადებითი დინამიკის ცოტა მაინც გაგრძელება, იმისათვის, რომ პროცესი ცოტა მაინც წასულიყო წინ და არა ეტკეპნა ადგილი, როგორც სამწუხაროდ, ბოლო წლებში მოხდა", - აღნიშნა კანდელაკმა.