ვახტანგ გომელაური - სუს-მა საქართველოს ორი მოქალაქე დააკავა, რომლებიც ბირთვული მასალა “ურანის” გასხვისებას გეგმავდნენ

წარმატებით ვაგრძელებთ ბირთვული და რადიოაქტიური ნივთიერებებისა და მასალების უკანონო ბრუნვის წინააღმდეგ ბრძოლას,- განაცხადა სახელმწიფო უსაფრთხოების სამსახურის ხელმძღვანელმა ვახტანგ გომელაურმა პლენარულ სხდომაზე, სადაც წლიურ ანგარიშს წარადგენს.

„მასობრივი განადგურების იარაღისა და მასალების გავრცელების წინააღმდეგ ბრძოლა სახელმწიფო უსაფრთხოების სამსახურის ერთ-ერთი მნიშვნელოვანი მიმართულებაა. ქიმიური, ბიოლოგიური, რადიაციული და ბირთვული უსაფრთხოების კუთხით, განსაკუთრებულ ყურადღებას ვუთმობთ სახელმწიფო უწყებებთან მუდმივ კოორდინაციას, ასევე მჭიდრო თანამშრომლობას რეგიონულ და საერთაშორისო დონეებზე. წარმატებით ვაგრძელებთ ბირთვული და რადიოაქტიური ნივთიერებებისა და მასალების უკანონო ბრუნვის წინააღმდეგ ბრძოლას. მიმდინარე წლის 13 მარტს უსაფრთხოების სამსახურმა დააკავა საქართველოს ორი მოქალაქე, რომლებიც ბირთვული მასალა “ურანის” გასხვისებას გეგმავდნენ. ამ ეტაპზე მიმდინარეობს გამოძიება. 2018 წელს რადიოაქტიური ნივთიერებებისადმი უკანონო მოპყრობის ფაქტზე გამოძიება დაიწყო სისხლის სამართლის 2 საქმეზე. საანგარიშო პერიოდში სამსახურის ინიციატივით, საქართველომ უმასპინძლა უკრაინის უსაფრთხოებისა და სამართალდამცავი უწყებების წარმომადგენლებს. უკრაინელ პარტნიორებს გავუზიარეთ ჩვენი გამოცდილება ბირთვული და რადიაციული კონტროლის სფეროში. სამსახურმა ასევე ჩაატარა ფართომასშტაბიანი საერთაშორისო სწავლება “ლომის ფარი”, რისთვისაც ევროკომისიამ საქართველო საუკეთესო პარტნიორად დაასახელა“,- განაცხადა გომელაურმა.

თენგიზ ფხალაძე  -  თუკი დღეს ვინმე ხეირობს საქართველოში შექმნილი ვითარებით, ეს რუსეთია
ქართული პრესის მიმოხილვა 07.12.2019
რამაზ საყვარელიძე - არც ხელისუფლება ჰგავს პოლიტიკის დიდოსტატს და არც ოპოზიცია, ამიტომ არც ისე იწვიმებს, როგორც ისმის რევოლუციის ჭექა-ქუხილი
სამოქალაქო ავიაციის საერთაშორისო ორგანიზაცია (იკაო) 75 წლისაა
გერმანელ ეკონომისტთა ჯგუფმა (GET) საქართველოს ფინანსური სექტორის მონიტორინგის პირველი ნაწილი წარადგინა
ლიბერთის და რუსთაველის თეატრის ერთობლივი ახალი სოციალური პროექტი
ლიბერთი UN Women-ის ქალთა გაძლიერების პრინციპების გლობალურ ინიციატივას უერთდება
სუპერმარკეტების ქსელი „მაგნიტი“ წამახალისებელი გათამაშების გამარჯვებულებს 14 დეკემბერს გამოავლენს
მედიკამენტებით უზრუნველყოფის გაუმჯობესების მიზნით PSP-ში გერმანულ წამყვან მწარმოებელ კომპანია „ბერლინ-ხემის“ წარმომადგენლებთან შეხვედრა შედგა
რატომ არის კომპანია TOYOTA-ს მიერ წარმოებული ავტომობილები ასეთი პოპულარული და როგორ ზრუნავს კომპანია ხარისხის მუდმივ გაუმჯობესებაზე
„სილქნეტმა“ მობილურ ქსელში უპრეცედენტო სამუშაოები ჩაატარა - დღეისათვის კომპანია მომხმარებელს უსწრაფეს, 4.5G ინტერნეტს სთავაზობს