ქეთევან ციხელაშვილი - ევროსაბჭომ საქართველოს მიმართ ძალიან მყარი მხარდაჭერა დააფიქსირა

ეს იყო კონკრეტული, მკაფიო გზავნილების შემცველი გადაწყვეტილება, რომლითაც ევროსაბჭომ ძალიან მყარი მხარდაჭერა დააფიქსირა საქართველოს მიმართ, - ასე აფასებს შერიგებისა და სამოქალაქო თანასწორობის საკითხებში სახელმწიფო მინისტრი ქეთევან ციხელაშვილი ევროპის საბჭოს მინისტრთა მოადგილეების კომიტეტის მიერ მიღებულ მორიგ გადაწყვეტილებას საკითხზე „ევროპის საბჭო და კონფლიქტი საქართველოში.“

როგორც „ინტეპრესნიუსს“ შერიგებისა და სამოქალაქო თანასწორობის საკითხებში სახელმწიფო მინისტრის აპარატიდან აცნობეს, სხდომაზე კომიტეტმა კიდევ ერთხელ დაადასტურა ევროსაბჭოს მხარდაჭერა საქართველოს სუვერენიტეტისა და ტერიტორიული მთლიანობის მიმართ საერთაშორისოდ აღიარებულ საზღვრებში და განაცხადა, რომ რუსეთი კვლავ აფერხებს კონფლიქტის მოგვარების სამშვიდობო პროცესს, ხელყოფს რეგიონში უსაფრთხოებას და სტაბილურობას და აგრძელებს სამხედრო ძალით ყოფნას საქართველოს აფხაზეთის და ცხინვალის რეგიონებში.

„დოკუმენტში ყველა მიმდინარე დარღვევა ხაზგასმულია და გამოხატულია პოზიცია, რომ ეს ევროსაბჭოსათვის აბსოლუტურად მიუღებელია. საუბარია ოკუპაციაზე, სამხედრო წვრთნებზე, ადამიანის უფლებების დარღვევებზე, გალსა და ახალგორში მაცხოვრებელი მოსახლეობის ეთნიკური ნიშნით დისკრიმინაციაზე, საკუთრების უფლების დარღვევისა და დევნილების დაბრუნების უფლების ხელყოფაზე. ასევე, რუსეთის მიერ ნაკისრ და შეუსრულებელ ვალდებულებებზე. აგრეთვე საუბარია სამშვიდობო ინიციატივაზე „ნაბიჯი უკეთესი მომავლისკენ“ და იმაზე, თუ რამდენად მნიშვნელოვანია მისი ქვეპროგრამები ადამიანებისავის, მათი კეთილდღეობისათვის და სამომავლოდ ნდობის მშენებლობისა და დიალოგისათვის.

„მადლობა უნდა გადავუხადო ევროსაბჭოს კომიტეტს ამ გადაწყვეტილებისათვის, რადგან ეს არის არა მხოლოდ მკაფიო და მყარი მხარდაჭერა, არამედ გარანტი იმისა, რომ ერთობლივი ძალისხმევით სამშვიდობო პოლიტიკაში წარმატებულები ვიქნებით. პარტნიორების მხრიდან ამ პოზიციების ერთობლიობა და მუდმივობა უზრუნველყოფს იმას, რომ რუსული ძალისმიერი პოლიტიკა წარუმატებელი იქნება და მას პერსპექტივა არ გააჩნია“, - განაცხადა ქეთევან ციხელაშვილმა.

კორნელი კაკაჩია - აშშ-ში საქართველოს ხელისუფლების წარმომადგენელთა ვიზიტი საკმაოდ დაგვიანებულია, ამიტომ, არა მგონია, რომ ამ ვიზიტმა რამე შეცვალოს
ქართული პრესის მიმოხილვა 28.01.2020
თენგიზ ფხალაძე - პოლიტიკურ ძალებს შორის ურთიერთობაში უნდა არსებობდეს ზღვარი, რომლის იქითაც პროცესი არ უნდა წავიდეს, თუკი ეს ზღვარი წაიშალა, მძიმე შედეგს მივიღებთ
„ინვესტ ჯგუფი“ ანანოვების სასახლის მასშტაბური რეაბილიტაციის პროექტს იწყებს
"თიბისიმ" მსოფლიოში საუკეთესოდ აღიარებული მობაილბანკი განაახლა