აშშ-ის სახელმწიფო მდივანი მაიკ პომპეო რუსეთს ვენესუელაში შეჭრაში ადანაშაულებს.
პომპეო აცხადებს, რომ ნიკოლას მადუროს ხელისუფლებას კუბელები და ახლა უკვე რუსებიც იცავენ.
აღსანიშნავია, რომ აშშ-ის სახელმწიფო მდივანს არ დაუსახელებია, რამდენი კუბელი და რუსი იმყოფება ამჟამად ვენესუელაში.
მისი თქმით, სწორედ კუბელები და რუსები იცავენ მადუროს, რომელთა გარეშეც ნიკოლას მადურო ძალაუფლების შენარჩუნებას ვერ შეძლებდა. ამასთანავე, მაიკ პომპეომ განაცხადა, რომ შეერთებული შტატები ვენესუელაში სამხედრო ძალის გამოყენებას არ გამორიცხავს, ეს კი იმ შემთხვევაში მოხდება თუ მადურო თანამდებობას არ დატოვებს.