ისრაელის არმიამ „ჰამასის“ საველე მეთაური გაანადგურა
ისრაელის სამხედროებმა „ჰამასის“ საველე მეთაურის ლიკვიდაცია განახორციელეს, რომელიც ღაზას სექტორში შეიარაღებული დაჯგუფებებს ირანიდან ფულადი სახსრებით აფინანსებდა. ამის შესახებ ისრაელის თავდაცვის არმიის პრესსამსახური იუწყება.
„რამდენიმე ხნის წინ ღაზას მკვიდრი, 1985 წელს დაბადებული ჰამედ აჰმედ აბედ ქუდარი ისრაელის თავდაცვის არმიისა და სპეცსამსახურების ერთობლივი ოპერაციის შედეგად არის ლიკვიდირებული“, - ნათქვამია ინფორმაციაში.
„როიტერის“ ინფორმაციით, თვითმხილველები აცხადებენ, რომ ქუდარი იმ ავტომობილში იყო, რომელიც საჰაერო დარტყმის შედეგად აფეთქდა.
