თბილისში “ბიზნეს მედია კონტაქტის” საერთაშორისო ფორუმი და დაჯილდოების ცერემონია გაიმართა. საქართველოს პარლამენტის პრესსამსახურის ინფორმაციით, ფორუმზე წარმოდგენილი იყო წარმატებული სახელმწიფო და ბიზნესპროექტები, რომლებიც მნიშვნელოვან როლს ასრულებენ საქართველოში განათლების, ჯანდაცვის, ეკონომიკისა და საერთაშორისო სავაჭრო ურთიერთობების განვითარებაში.

განათლების სფეროში განხორციელებული და დაგეგმილი რეფორმებისა და საჯარო-კერძო პარტნიორობის ხელშეწყობისათვის სიმბოლური ჯილდო გადაეცა განათლების, მეცნიერებისა და კულტურის კომიტეტის თავმჯდომარე მარიამ ჯაშს.

პარლამენტის აგრარულ საკითხთა კომიტეტის თავმჯდომარე ოთარ დანელია კი დაჯილდოვდა საქართველოს სოფლის მეურნეობის დარგში შეტანილი წვლილისა და საქართველო-ჩინეთის ორმხრივ თანამშრომლობაში ქართული ღვინის პოპულარიზაციის ხელშეწყობისთვის.

სახელმწიფო უწყებებს შორის ფორუმმა ასევე გადასცა სიმბოლური ჯილდო განათლების, მეცნიერების, კულტურისა და სპორტის მინისტრის მოადგილეს ნათია ზედგინიძეს.