პრაღის ცენტრში პრემიერ-მინისტრის, ანდრეი ბაბიშისა და იუსტიციის ახალი მინისტრის, მარია ბენეშოვას წინააღმდეგ საპროტესტო აქცია გაიმართა.

მასში ათასობით ადამიანმა მიიღო მონაწილეობა.

უცხოური მედიის ინფორმაციით, ქუჩაში გამოსული მოსახლეობა ფიქრობს, რომ იუსტიციის ახალი მინისტრი მარია ბენეშოვა პრემიერ-მინისტრ ბაბაშის წინააღმდეგ წაყენებულ ბრალდებებს მიუკერძოებლად არ გამოიძიებს.

შეგახსენებთ, რომ გამოძიების თანახმად, 2007 წელს ევროკავშირის მიერ მცირე ბიზნესის მხარდასაჭერად გამოყოფილი თანხა ბაბაშმა თავისი ჰოლდინგისთვის გამოიყენა. აღსანიშნავია, რომ გამოძიება მას 2 მილიონი ევროს ოდენობით თანხის მითვისებას ედავება.