ჯესი ჯეი „ბლექ სი არენაზე“ კონცერტს გამართავს

ცნობილი ბრიტანელი შემსრულებელი Jessie J, რომელსაც მსოფლიოს მასშტაბით 3 მილიონი ალბომი და 20 მილიონი სინგლი აქვს გაყიდული, საქართველოს ესტუმრება და 2019 წლის 6 აგვისტოს, „ბლექ სი არენაზე“ კონცერტს გამართავს. ამის შესახებ „ინტერპრესნიუსს“ „ბლექ სი არენადან“ აცნობეს.

როგორც "ბლექ სი არენას" დირექტორმა ტატო ხარჩილავამ "ინტერპრესნიუსს” განუცხადა, სეზონის ბოლომდე იგეგმება კიდევ სხვა შემსრულებლის ჩამოყვანაც, რომლის ვინაობა მომავალ კვირაში გახდება ცნობილი.

"დღეს დავაანონსეთ 2019 წლის სეზონის რიგით მეორე არტისტი - ჯესი ჯეი, რომელიც 6 აგვისტოს კონცერტს გამართავს "ბლექ სი არენაზე". ჯესი ჯეი არის თანამედროვეობის ერთ-ერთი გამორჩეული არტისტი, რომელიც განსაკუთრებული ვოკალური მონაცემებისა და საშემსრულებლო მანერის გარდა, არის არტისტი, რომელიც უმეტეს შემთხვევაში თვითონ წერს მუსიკას, ტექსტებს და ამიტომაც გამოდის მისი კონცერტები ასეთი განსხვავებული და ორგანული“, - განაცხადა ტატო ხარჩილავამ.

რაც შეეხება 2019 წლის სეზონის დანარჩენ არტისტებს, "ბლექ სი არენას" დირექტორის თქმით, მომავალ კვირას გაირკვევა კიდევ ერთი არტისტი, რომელიც ჩამოვა საქართველოში და ასევე, მაისის ბოლოს გახდება ცნობილი ყველა სხვა შემსრულებელი, რომელსაც უმასპინძლებს black sea arena 2019 წლის ბოლომდე.

„Jessie J მუსიკალურმა სამყარომ 2011 წელს გამოცემული სადებიუტო ალბომით Who You Are გაიცნო. BRIT Awards-ის ჯილდოს მომტანი ალბომი ისეთ ჩანაწერებს შეიცავდა, როგორებიცაა "Price Tag", "Domino" და "Laserlight" - კომპოზიციებს, რომლებმაც არტისტის მომავალი კარიერა მნიშვნელოვნად განსაზღვრა. ალბომის გამოსვლიდან ერთი წლის შემდეგ მომღერალმა დიდი ბრიტანეთის დედოფლისადმი მიძღვნილ კონცერტსა და ლონდონის ოლიმპიური თამაშების დახურვის ცერემონიალზე იმღერა. ამის შემდეგ Jessie J-მ ზედიზედ 2 ალბომი გამოსცა, რომლებმაც არტისტის გავლენა და ცნობადობა კიდევ უფრო მეტად გაზარდა.

2014 წელს გამოიცა მისი ერთ-ერთი ყველაზე პოპულარული ჰიტი „Bang Bang“, არიანა გრანდესა და ნიკი მინაჟთან ერთად. ტრიოს ახალმა მუსიკალურმა ნამუშევარმა არაერთი ქვეყნის ათეულში წამყვანი პოზიციები დაიკავა და ექვსგზის პლატინის სტატუსიც მოიპოვა. ამავე წელს გავრცელებული ალბომის Sweet Talker შემდეგ, არტისტმა რამდენიმეწლიანი პაუზა აიღო და ფიქრობდა, როგორ გაეგრძელებინა შემოქმედებითი გზა. მისთვის გადამწყვეტი პროდიუსერ DJ Camper-თან შეხვედრა აღმოჩნდა, რომელიც ბრიტანელ არტისტს რიგით მეოთხე სტუდიური ალბომის, R.O.S.E.-ს ჩაწერაში დაეხმარა . 4 ნაწილისგან შემდგარი ნამუშევარი მთლიანად Jessie J-ს ტექსტების მიხედვით შეიქმნა, რამაც არტისტს საშუალება მისცა, ალბომი პერსონალურ განაცხადად და კარიერის ახალ ეტაპზე გადასვლის სიმბოლოდ ექცია.

ალბომისთვის მიძღვნილი ტურნეს პერიოდში კი ჩაიწერა მორიგი კრებული This Christmas Day, რომლის დასრულებასაც სულ რაღაც ორი კვირა დასჭირდა. 2019 წელს Jessie J განაგრძობს მსოფლიოში მოგზაურობას და მსმენელს როგორც ძველ, ასევე საკუთარ უახლეს ჰიტებს უზიარებს. სწორედ ამგვარი რეპერტუარით წარდგება „ბლექ სი არენას“ მსმენელის წინაშეც. Jessie J-ს ცოცხალი შესრულება ხშირ შემთხვევაში არათუ ჩამოუვარდება, არამედ აღემატება კიდეც მის სტუდიურ ჩანაწერებს. არტისტების ახალი თაობის ერთ-ერთ საუკეთესო ვოკალისტად აღიარებული ბრიტანელი შემსრულებლის კონცერტზე მოხვედრა მელომანებისთვის ნამდვილი დღესასწაული იქნება“, - აღნიშნულია „ბლექ სი არენას“ მიერ გავრცელებულ ინფორმაციაში.

იხილეთ ვიდეო: საქართველოში მომღერალი Jessie J კონცერტს გამართავს

თენგიზ ფხალაძე  -  თუკი დღეს ვინმე ხეირობს საქართველოში შექმნილი ვითარებით, ეს რუსეთია
ქართული პრესის მიმოხილვა 07.12.2019
რამაზ საყვარელიძე - არც ხელისუფლება ჰგავს პოლიტიკის დიდოსტატს და არც ოპოზიცია, ამიტომ არც ისე იწვიმებს, როგორც ისმის რევოლუციის ჭექა-ქუხილი
სამოქალაქო ავიაციის საერთაშორისო ორგანიზაცია (იკაო) 75 წლისაა
გერმანელ ეკონომისტთა ჯგუფმა (GET) საქართველოს ფინანსური სექტორის მონიტორინგის პირველი ნაწილი წარადგინა
ლიბერთის და რუსთაველის თეატრის ერთობლივი ახალი სოციალური პროექტი
ლიბერთი UN Women-ის ქალთა გაძლიერების პრინციპების გლობალურ ინიციატივას უერთდება
სუპერმარკეტების ქსელი „მაგნიტი“ წამახალისებელი გათამაშების გამარჯვებულებს 14 დეკემბერს გამოავლენს
მედიკამენტებით უზრუნველყოფის გაუმჯობესების მიზნით PSP-ში გერმანულ წამყვან მწარმოებელ კომპანია „ბერლინ-ხემის“ წარმომადგენლებთან შეხვედრა შედგა
რატომ არის კომპანია TOYOTA-ს მიერ წარმოებული ავტომობილები ასეთი პოპულარული და როგორ ზრუნავს კომპანია ხარისხის მუდმივ გაუმჯობესებაზე
„სილქნეტმა“ მობილურ ქსელში უპრეცედენტო სამუშაოები ჩაატარა - დღეისათვის კომპანია მომხმარებელს უსწრაფეს, 4.5G ინტერნეტს სთავაზობს
BDO-მ მცირე და საშუალო სავაჭრო კომპანიების წამომადგენლებს კონფერენციაზე უმასპინძლა