სალომე ზურაბიშვილი „რუსთავი 2“-თან დაკავშირებით განვითარებულ მოვლენებს ეხმაურება და მიიჩნევს, რომ ქვეყანაში სიტყვის თავისუფლება დაცულია

საქართველოს პრეზიდენტი სალომე ზურაბიშვილი ტელეკომპანია „რუსთავი 2“-თან დაკავშირებით განვითარებულ მოვლენებს ეხმაურება და მიიჩნევს, რომ ქვეყანაში სიტყვის თავისუფლება დაცულია.

ზურაბიშვილის პოზიცია ჟურნალისტებს მისმა პრესსპიკერმა ხატია მოისწრაფიშვილმა გააცნო. როგორც მოისწრაფიშვილი აცხადებს, გამოყენებული იქნება ყველა რესურსი იმისთვის, რომ ეს უფლება სრულად დაცული იყოს.

„საქართველოს პრეზიდენტის განცხადებით, სიტყვის თავისუფლება ქვეყანაში დაცულია და გარანტირებულია საქართველოს კონსტიტუციით. შესაბამისად, გამოყენებული იქნება ყველა კანონისმიერი რესურსი იმისათვის, რომ ქვეყანაში ყველა შემთხვევაში სიტყვის თავისუფლება იყოს სრულიად დაცული ", - განაცხადა მოისწრაფიშვილმა.

ცნობისთვის, „რუსთავი2“-ის გენერალური დირექტორის, ნიკა გვარამიას განცხადებით, ტელეკომპანიაზე „შეტევის ახალი ფაზა იწყება“.

ნიკა გვარამიამ გუშინ საგანგებო ბრიფინგზე განაცხადა, რომ „რუსთავი2“-მა ტელევიზიის წილის 9%-ის მფლობელის ნინო ნიჟარაძის სარჩელი მიიღო, რომლის მიხედვითაც, ნიჟარაძე „რუსთავი 2“-ის გენერალური დირექტორისგან, სხვა მეწილეებისგან და ე.წ გაყიდვების სახლისგან, ჯამში დაგროვილი გადასახადების სახით, 26 მილიონ ლარის კომპენსაციას ითხოვს.

ზაალ ანჯაფარიძე - შაქარაშვილის საქმესთან დაკავშირებით კითხვები უფრო მეტია, ვიდრე პასუხები, რაც გამოწვეულია რამდენიმე გარემოებით
ქართული პრესის მიმოხილვა 06.07.2020
ვიქტორ ყიფიანი - შავი ზღვის რეგიონისადმი დასავლეთის მიდგომა ოპერატიულად გადახედვასა და მისადაგებას საჭიროებს
ყაზახეთის რესპუბლიკის ელჩი საქართველოში - ყაზახეთის მიღწევა: პირველი პრეზიდენტის ნ. ნაზარბაევის როლზე (R)
თიბისი იპოთეკური სესხების სუბსიდირების სახელმწიფო პროგრამაში ერთვება
როგორ ვლინდება ლაქტოზის აუტანლობა და რით შეგვიძლია ჩავანაცვლოთ ცხოველური რძე ბავშვთა კვებაში?
მაკა ასათიანი განცხადებას ავრცელებს
„მზადება ზაფხულისთვის“  (R)
"პროკრედიტ ბანკმა" საკუთარი მზის ელექტროსადგური წარადგინა