მაია ცქიტიშვილი - იმის გამო, რომ ანაკლიის კონსორციუმს დასჭირდა სახელმწიფოს დახმარება თანხების მოზიდვაში, იძულებული გავხდით პროცესში ჩავრთულიყავით

იმის გათვალისწინებით, რომ კონსორციუმს დასჭირდა სახელმწიფოს დახმარება თანხების მოზიდვის ნაწილშიც, იძულებული გავხდით ამ პროცესში ჩავრთულიყავით. მთლიანობაში ეს არის ვალდებულება, რომელიც კონსორციუმს აქვს აღებული ხელშეკრულებით, - ამის შესახებ რეგიონული განვითარებისა და ინფრასტრუქტურის მინისტრმა მაია ცქიტიშვილმა „ინტერპრესნიუსს" ანაკლიის პორტის ინვესტორ ბანკებთან მიმდინარე მოლაპარაკებების კომენტირებისას განუცხადა.

ცქიტიშვილის თქმით, კითხვები მოლაპარაკებების შესახებ კონსორციუმს ეხება, რადგან სწორედ მისი ვალდებულებაა დაფინანსების მოძიება და პორტის მშენებლობა და სწორედ ფინანსების მოძიებისას სახელმწიფოს დახმარების საჭიროებამ განაპირობა მოლაპარაკებების საჭიროება.

„შეგახსენებთ, რომ ანაკლიის განვითარების კონსორციუმია ინვესტორი, რომლის ძირითადი ვალდებულებაა დაფინანსების მოძიება და პორტის მშენებლობა. ამიტომ, ძირითადი კითხვები მოლაპარაკებებთან დაკავშირებით არის კონსორციუმისკენ. ეს არის ვალდებულება, რომელიც კონსორციუმს აქვს აღებული და შესაბამისად, ამ ეტაპზე ერთად ვმუშაობთ, რომ მოხდეს პოზიციების დაახლოვება იმ ცვლილებებზე, რომელიც საჭიროა და მოთხოვნილია ინვესტორი ბანკების მხრიდან, რათა მათ კონსორციუმს სესხი გამოუყონ. ერთხელ უკვე გაიმართა შეხვედრა, გვქონდა წერილობითი კომუნიკაცია და კიდევ ერთი შეხვედრა იგეგმება, რომ განვიხილოთ ინვესტორების მიერ მოთხოვნილი 8 პუნქტი და არა მარტო ეს. ვნახოთ, რით დამთავრდება ეს შეხვედრა. ჩვენ ყველას ერთად გვაქვს ვადა, რომ შევთანხმდეთ ან ვერ შევთანხმდეთ. 15 ივნისამდე ჯერ დრო გვაქვს",-განაცხადა ცქიტიშვილმა.

რამაზ საყვარელიძე - არცერთ კვლევაში პატარა პარტიებისკენ არ მიდის ხმები, რადგან ჯერ ისევ „ნაციონალების“ და მისი ვარიაციების მიღება-არმიღებაა მწვავე საკითხი
ქართული პრესის მიმოხილვა 05.08.2020
გიორგი ანთაძე - საქართველომ რეგიონში არსებული სამხედრო დისბალანსის გათვალისწინებით, თავისი თავდაცვის შესაძლებლობების გაუმჯობესებისკენ უფრო ქმედითი ნაბიჯები უნდა გადადგას
მარტივი, უსაფრთხო და მოქნილი Apple Pay ციფრული საფულე პროკრედიტ ბანკის მომხმარებლებისთვის!
HR ბიზნეს სამიტი HR hub-ის ორგანიზებითა და PSP დაზღვევის მხარდაჭერით წარმატებით ჩატარდა
"მეამას" შენობა მსოფლიოში საუკეთესო სამუშაო სივრცედ დასახელდა