ასეთი საუბარი არ ყოფილა, ეს არის ფაბრიკაცია - ამის შესახებ ჟურნალისტებს მალხაზ მაჩალიკაშვილმა მის ძმის შვილთან, მორის მაჩალიკაშვილთან საუბრის

შესახებ სუს-ის მიერ გავრცელებულ ჩანაწერზე კომენტირებისას განუცხადა.

მისივე განმარტებით, სახელმწიფოს მისი განადგურება სურს.

"მე ვითხოვ დაიჭირონ ჩემი შვილის მკვლელები, ეს დანაშაული სახელმწიფოს აქვს ჩადენილი. ესენი ყველაფერს აკეთებენ, ნებისმიერ მეთოდს მიმართავენ, რომ გამანადგურონ, მაგრამ ეს არ მოხდება",- განაცხადა მაჩალიკაშვილმა.

ამის შემდეგ მაჩალიკაშვილმა პარლამენტის მიდებარე ტერიტორია ტაქსით დატოვა. მისი თქმით, სალოცავად წავიდა, თუმცა არ დაუკონკრეტებია, თუ კონკრეტულად სად წავიდა.

სახელმწიფო უსაფრთხოების სამსახურის ინფორმაციით, მალხაზ მაჩალიკაშვილს ტერორისტული აქტის ორგანიზების გზით რამდენიმე პირის მკვლელობა ჰქონდა განზრახული.