მორის მაჩალიკაშვილის დედა - ჩვენ არ ვართ ტერორისტები -  ჩემს შვილს ყველაფერს უგონებენ

არაფერი არ ვიცი, სად ყავთ და რას ეკითხებიან, ჩემს შვილს ყველაფერს უგონებენ, - ამის შესახებ „ინტერპრესნიუსს“ მალხაზ მაჩალიკაშვილის ძმის შვილის, მორის მაჩალიკაშვილის დედამ, მედიკო მარგოშვილმა განუცხადა.

მედიკო მარგოშვილი სუს-ის მიერ გავრცელებულ ინფორმაციას ტყუილს და მისი ოჯახის წინააღმდეგ გამიზნულ პროვოკაციას უწოდებს.

„შორს არის ჩვენგან ყველა მსგავსი ამბავი. არავითარი ტერორისტები ჩვენ არ ვართ. რა აფეთქება, რის დაგეგმვა. ჩემი შვილი არაფერს გეგმავდა“, - აღნიშნა მედიკო მარგოშვილმა.

სახელმწიფო უსაფრთხოების სამსახურში მალხაზ მაჩალიკაშვილის ძმისშვილი, მორის მაჩალიკაშვილი იკითხება. ამის შესახებ სუს-ში გამართულ ბრიფინგზე გახდა ცნობილი.

უწყება ეჭვობს, რომ მორის მაჩალიკაშვილი ტერორისტული აქტის განხორციელების გზით რამდენიმე ადამიანის მკვლელობის თაობაზე მალხაზ მაჩალიკაშვილის გეგმის თანამონაწილე უნდა იყოს.

„სახელმწიფო უსაფრთხოების სამსახურის კონტრტერორისტულ დეპარტამენტში ამჟამად გამოკითხვაზე იმყოფება მალხაზ მაჩალიკაშვილის ძმისშვილი, მორის მაჩალიკაშვილი, რომელიც მალხაზ მაჩალიკაშვილის გეგმის მიხედვით, ჩართული უნდა ყოფილიყო აღნიშნული ტერორისტული აქტის განხორციელებაში“, - აცხადებენ სუს-ში.

იოსებ ბარათაშვილი - ახლა მთავარია, გამოძიებამ უტყუარად დაადგინოს იმ პირების ვინაობა, რომელთა ქმედებამაც გამოიწვია შაქარაშვილის გარდაცვალება
ქართული პრესის მიმოხილვა 10.07.2020
ალექსეი მალაშენკო - ვინც არ უნდა მოიგოს საქართველოს არჩევნებში, აფხაზეთისა და სამხრეთ ოსეთის საკითხებში არაფერი შეიცვლება, ამიტომ, კრემლისთვის პრინციპული მნიშვნელობა არ აქვს, ვინ გაიმარჯვებს
ყაზახეთ-საქართველოს თანამშრომლობის ახალი ეტაპი იწყება
სუბსიდირებული იპოთეკური სესხი - ახალი შესაძლებლობა ტერაბანკისგან
სილქნეტის მობილური აბონენტები თიბისის მობაილბანკით სარგებლობას ინტერნეტის დახარჯვის გარეშე შეძლებენ