72 წლის ამირან მელაძე, რომელიც საოკუპაციო ძალების წარმომადგენლებმა გორის რაიონის სოფელ ქვეშიდან გაიტაცეს, გაათავისუფლეს. ოკუპანტების მიერ მისი გათავისუფლების ფაქტი „ინტერპრესნიუსს“ სახელმწიფო უსაფრთხოების სამსახურში დაუდასტურეს. დამატებით დეტალებზე უწყებაში არ საუბრობენ.

ამირან მელაძე საოკუპაციო ძალების წარმომადგენლებმა 5 მაისს დააკავეს. ამირან მელაძის საცხოვრებელი სახლი საოკუპაციო ხაზის სიახლოვეს მდებარეობს, მელაძე ბაღში სატაცურს კრეფდა, რა დროსაც ე.წ. მესაზღვრეები გამოჩნდნენ, მამაკაცი დააკავეს და ოკუპირებული არცევის მართულებით წაიყვანეს.