საგანგებო სიტუაციების მართვის სამსახურის ხულოს განყოფილებას ტექნიკა და ფორმები გადაეცა

შინაგან საქმეთა სამინისტროს საგანგებო სიტუაციების მართვის სამსახურის ხულოს განყოფილებას ახალი სახანძრო-სამაშველო ტექნიკა და ფორმები გადაეცა. შსს-ს საგანგებო სიტუაციების მართვის სამსახური, ქვეყნის მასშტაბით, ტექნიკურ და მატერიალურ გადაიარაღებას განაგრძობს.

შსს-ს ინფორმაციით, ბათუმის შემდეგ, ახალი, თანამედროვე სტანდარტების შესაბამისი, მაღალი გამავლობის მქონე „ურალის“ მარკის წყალმზიდი და სამაშველო მანქანა ხულოს განყოფილებას გადაეცა. ამასთანავე, განახლდა მეხანძრე-მაშველთა ფორმებიც.

„ახალი სახანძრო და სამაშველო ტექნიკა რთული რელიეფური პირობების შესაბამისად არის ადაპტირებული და პასუხობს მაღალმთიანი აჭარის მოთხოვნებს. ასევე, აქვს შესაძლებლობა მოკლე დროში უზრუნველყოს დიდი რაოდენობის წყლის ტრანსპორტირება. ტექნიკისა და აღჭურვილობის გადაცემის ცერემონიას შინაგან საქმეთა სამინისტროს საგანგებო სიტუაციების მართვის სამსახურის უფროსის პირველი მოადგილე ლევან ღირსიაშვილი, აჭარის ავტონომიური რესპუბლიკის მთავრობის თავმჯდომარე თორნიკე რიჟვაძე და ორი უწყების სხვა ხელმძღვანელი პირები ესწრებოდნენ. ტექნიკური გადაიარაღების ფარგლებში, ხულოს სახანძრო-სამაშველო განყოფილებას, ბოლო 2 თვის განმავლობაში, უკვე 4 ახალი სახანძრო და სამაშველო მანქანა გადაეცა.

დღესვე, ხულოში მცხოვრებ მოზარდებს საშუალება მიეცათ თავად გამოეცადათ მეხანძრე-მაშველების აღჭურვილობა, დაეთვალიერებინათ სახანძრო-სამაშველო ტექნიკა და წარმოდგენილი ინვენტარის გამოყენებით გაცნობოდნენ ხანძრის ქრობის სხვადასხვა ეფექტურ მეთოდებს. შინაგან საქმეთა სამინისტროს საგანგებო სიტუაციების მართვის სამსახური ახალ სახანძრო და სამაშველო ტექნიკას სხვა რეგიონებშიც განაახლებს. ასევე, უახლოესი ერთი თვის განმავლობაში, ქვეყნის მასშტაბით, ყველა მეხანძრე-მაშველი ახალი ფორმით სრულად იქნება უზრუნველყოფილი“, - აღნიშნულია შსს-ს მიერ გავრცელებულ ინფორმაციაში.

იოსებ ბარათაშვილი - ახლა მთავარია, გამოძიებამ უტყუარად დაადგინოს იმ პირების ვინაობა, რომელთა ქმედებამაც გამოიწვია შაქარაშვილის გარდაცვალება
ქართული პრესის მიმოხილვა 10.07.2020
ალექსეი მალაშენკო - ვინც არ უნდა მოიგოს საქართველოს არჩევნებში, აფხაზეთისა და სამხრეთ ოსეთის საკითხებში არაფერი შეიცვლება, ამიტომ, კრემლისთვის პრინციპული მნიშვნელობა არ აქვს, ვინ გაიმარჯვებს
ყაზახეთ-საქართველოს თანამშრომლობის ახალი ეტაპი იწყება
სუბსიდირებული იპოთეკური სესხი - ახალი შესაძლებლობა ტერაბანკისგან
სილქნეტის მობილური აბონენტები თიბისის მობაილბანკით სარგებლობას ინტერნეტის დახარჯვის გარეშე შეძლებენ