აშშ-მა ვენესუელელ გენერალს მანუელ კრისტოფერ ფიგუერას სანქციები მას შემდეგ მოუხსნა, რაც იგი ნიკოლას მადუროს განუდგა. ამის შესახებ აშშ-ის ვიცე პრეზიდენტი მაიკ პენსი იტყობინება.
ფიგუერა ვენესუელის დაზვერვის სამსახურის ყოფილი უფროსია.
„ვიმედოვნებთ, რომ ჩვენი მხრიდან დღევანდელი ნაბიჯი სხვებისთვის წამახალისებელი იქნება, რათა ისინი მიყვნენ გენერალ კრისტოფერ ფიგუერას და სამხედრო უწყების სხვა წარმომადგენელთა გადაწყვეტილებას“, - განაცხადა მაიკ პენსმა.
შეგახსენებთ, ვაშინგტონი ვენესუელას ოპოზიციის ლიდერს ხუან გუაიდოს დროებით პრეზიდენტად აღიარებს და მოქმედ პრეზიდენტ ნიკოლას მადუროს გადადგომისკენ მოუწოდებს.