საპატრიარქო დეკანოზ გიორგი მამალაძესთან დაკავშირებით, ომბუდსმენის და იუსტიციის სამინისტროსადმი მიმართავას ავრცელებს

საქართველოს საპატრიარქო დეკანოზ გიორგი მამალაძესთან დაკავშირებით, სახალხო დამცველისა და იუსტიციის სამინისტროსადმი მიმართავას ავრცელებს. საპატრიარქო ითხოვს, რომ დეკანოზის ჯანმრთელობის მდგომარებასთან დაკავშირებით მათ ინფორმაცია მიაწოდონ და ინტერესდება თუ რატომ არ შეასრულა იუსტიციის სამინისტრომ სახალხო დამცველის რეკომენდაცია.

„ა.წ. 20 მარტს საზოგადოებისთვის ცნობილი გახდა, რომ სახალხო დამცველის ოფისმა დეკანოზ გიორგი მამალაძის ჯანმრთელობის მდგომარების შესაფასებლად დამოუკიდებელი სამედიცინო ექსპერტი ჩართო. მათ განაცხადეს, რომ მე-18 დაწესებულებაში პატიმარს არ უტარდება ის სამედიცინო დახმარება, რაც სჭირდება. ეს დასკვნა და სახალხო დამცველის რეკომენდაცია, რომ იგი გადაყვანილი ყოფილიყო სამოქალაქო სამედიცინო დაწესებულებაში გადაეგზავნა სასჯელაღსრულების დაწესებულებასაც.

ვინაიდან დეკანოზი გიორგი მამალაძე დღემდე რჩება მე-18 დაწესებულებაში, გთხოვთ, თქვენი მხრიდან გვაცნობოთ, როგორია მისი ჯანმრთელობის მდგომარეობა,- ნათქვამია საპატრიარქოს წერილში, რომელიც საქართველოს იუსტიციის მინისტრის მოადგილეს გიორგი პატარაძეს გადაეგზავნა.

ამასთან, საპატრიარქო სახალხო დამცველისგან ითხოვს მიაწოდოს ინფორმაცია, თუ რა არის მიზეზი იმისა, რომ თვეზე მეტია გასული სახალხო დამცველის რეკომენდაციისგან და ამ ხნის განმავლობაში სასჯელაღსრულების უწყებას ომბუდსმენის რეკომენდაცია არ შეუსრულებია.

რაც შეეხება სახალხო დამცველის პასუხს საპატრიარქოსადმი, ომბუდსმენის საპასუხო წერილში წერია, რომ იუსტიციის სამინისტროდან ინფორმაცია მიიღეს და უწყებიდან მიღებული მასალები დამატებით შესწავლას და რეაგირებას საჭიროებს. ომბუდსმენის ინფორმაციით, ისინი აგრძელებენ იუსტიციის სამინსისტროსთან კომუნიკაციას და აკვირდებიან სამსახურის მხრიდან გადადგმულ ნაბიჯებს. ამის შემდეგ კი საჭიროების შემთხვევაში დამატებით ღონისძიებებს მიმართავენ.

თამარ ჩუგოშვილი - მე მგონი, ადამიანი არ დადის, ვისაც სჯერა, რომ უცებ მოხდა ამბოხი უმრავლესობაში - თვალში ნაცარი არავის უნდა შევაყაროთ
ქართული პრესის მიმოხილვა 14.12.2019
ვახტანგ ძაბირაძე  -  თუ სახელმწიფოს მართვის სისტემის შეცვლა გინდა, იმ გზას კი არ უნდა გადიოდე, რომელიც შენმა წინამორბედმა გაიარა
Archdaily „ლისი დეველოპმენტის“ პროექტების შესახებ სტატიას აქვეყნებს
ჩინური კომპანია POWERCHINA/SINOHYDRO 202-ე უსინათლო ბავშვთა საჯარო სკოლას ეწვია