გერგეთამდე მისასვლელ გზაზე სტიქიით დაზიანებული მონაკვეთის აღსადგენად სამუშაოები დაიწყო

ყაზბეგის მუნიციპალიტეტში, სტეფანწმინდა-სამების ეკლესიასთან მისასვლელი 5.6 კმ-იანი გზის 200-მეტრიან მონაკვეთზე სტიქიური მოვლენების გამო გზის საფარი დაზიანდა. პრობლემის დაფიქსირებისთანავე, გზების დეპარტამენტის მხრიდან საგზაო უსაფრთხოების უზრუნველყოფის კუთხით მყისიერი რეაგირება მოხდა და ავტოტრანსპორტის გადაადგილება დაზიანებულ მონაკვეთზე ცალმხრივად მიმდინარეობს.

როგორც „ინტერპრესნიუსს“ საქართველოს რეგიონული განვითარებისა და ინფრასტრუქტურის განვითარების სამინისტროდან აცნობეს, დეპარტამენტის ტექნიკურმა სამსახურებმა ობიექტი ოპერატიულად დაათავლიერეს და სტიქიური მოვლენებისაგან გამოწვეული პრობლემის მოსაგვარებლად შესაბამისი ღონისძიებები დასახეს.

მათივე ინფორმაციით, ამ დროისათვის, პროექტირება სტიქიის ლიკვიდაციისა და პრევენციის კუთხით უკვე დაწყებულია. პარალელურ რეჟიმში დაზიანებული მონაკვეთის აღდგენის სამუშაოებიც დაიწყება. აღსანიშნავია, რომ დამატებითი სამუშაოები არ გამოიწვევს პროექტის ღირებულების გაძვირებას და ბიუჯეტიდან დამატებითი სახსრების გახარჯვას. დაზიანებული მონაკვეთის აღდგენა, პროექტის თავდაპირველი ღირებულებიდან ხარისხის უზრუნველსაყოფად განკუთვნილი და ამ მიზნით შემსრულებელი კომპანიისთვის დაკავებული 5%-ის ფარგლებში მოხდება. პრობლემის აღმოფხვრას წინასწარი შეფასებით 1,5-2 თვე დასჭირდება.

პროექტი სახელმწიფო ბიუჯეტიდან დაფინანსდა და მისი ღირებულება 7 793 854 ლარია. გზის სამშენებლო სამუშაოები შპს „სახელმწიფო სამშენებლო კომპანიამ“ განახორციელა.

იოსებ ბარათაშვილი - ახლა მთავარია, გამოძიებამ უტყუარად დაადგინოს იმ პირების ვინაობა, რომელთა ქმედებამაც გამოიწვია შაქარაშვილის გარდაცვალება
ქართული პრესის მიმოხილვა 10.07.2020
ალექსეი მალაშენკო - ვინც არ უნდა მოიგოს საქართველოს არჩევნებში, აფხაზეთისა და სამხრეთ ოსეთის საკითხებში არაფერი შეიცვლება, ამიტომ, კრემლისთვის პრინციპული მნიშვნელობა არ აქვს, ვინ გაიმარჯვებს
ყაზახეთ-საქართველოს თანამშრომლობის ახალი ეტაპი იწყება
სუბსიდირებული იპოთეკური სესხი - ახალი შესაძლებლობა ტერაბანკისგან
სილქნეტის მობილური აბონენტები თიბისის მობაილბანკით სარგებლობას ინტერნეტის დახარჯვის გარეშე შეძლებენ