მთაწმინდის მაჟორიტარობის დამოუკიდებელი კანდიდატი ლევან იოსელიანი პოლიტიკურ ზეწოლაზე საუბრობს

მთაწმინდის რაიონის მაჟორიტარობის დამოუკიდებელმა კანდიდატმა ლევან იოსელიანმა და მისი შტაბის ხელმძღვანელმა ალექსანდრე ელისაშვილმა საგანგებო განცხადება გააკეთეს და საარჩევნო ზეწოლაზე ალაპარაკდნენ. ამის შესახებ „ინტერპრესნიუსს“ ლევან იოსელიანის საარჩევნო შტაბიდან აცნობეს.

ლევან იოსელიანის განცხადებით, რამდენიმე დღის უკან, მისი შტაბის წევრებს დაუკავშირდა მუნიციპალური ინსპექციის წარმომადგენელი და მოსთხოვა, მთაწმინდის რაიონში არსებული საარჩევნო ბანერების დაუყოვნებლივ ჩამოხსნა, მიუხედავად იმისა, რომ არანაირი კანონი და წესდება საპრომოციო ბანერების ამ ფორმით განთავსებას არ კრძალავს.

„ცხადია, ჩვენ მათი მოთხოვნა არ დავაკმაყოფილეთ და ამის შემდეგ, ჩვენთვის ცნობილი გახდა, რომ ზეგ,10 მაისს, საკრებულოს სხდომაზე გეგმავენ სპეციალური წესის მიღებას, რომლის მიხედვითაც განსაზღვრავენ ბანერების განთავსების ახალ წესს და მაშინ უნდა მიანიჭონ მას უკუქცევითი ძალა, რომ დაგვავალდებულონ აღნიშნული ბანერების ჩამოხსნა. ეს არის მხოლოდ და მხოლოდ პოლიტიკური ზეწოლის ერთ-ერთი ინსტრუმენტი და სხვა არაფერი.

მათ გადააჭრელეს საკუთარი კანდიდატის ბანერებითა და პოსტერებით მთელი ქალაქი, ხოლო ჩვენ თავისუფალ ზონებში რამდენიმე ბანერის გაკვრას გვიკრძალავენ. თუ ისინი, პარასკევს ამ სრულიად არაგონივრულ გადაწყვეტილებას გამოიტანენ, რადგან ასე აშინებთ ჩვენი მაღალი და პოზიტიური რეიტინგი საზოგადოებაში, ჩვენ პროტესტის უკიდურეს ფორმებს მივმართავთ, ხმაურიან განცხადებებსა და მსვლელობებს არ მოვერიდებით, როგორც ქალაქის საკრებულოსთან ისე მერიასა და სხვა შესაბამის დასწესებულებებთან”,- აცხადებს ლევან იოსელიანი.

იხილეთ ვიდეო: მთაწმინდის მაჟორიტარობის დამოუკიდებელი კანდიდატი ლევან იოსელიანი პოლიტიკურ ზეწოლაზე საუბრობს

თენგიზ ფხალაძე  -  თუკი დღეს ვინმე ხეირობს საქართველოში შექმნილი ვითარებით, ეს რუსეთია
ქართული პრესის მიმოხილვა 07.12.2019
რამაზ საყვარელიძე - არც ხელისუფლება ჰგავს პოლიტიკის დიდოსტატს და არც ოპოზიცია, ამიტომ არც ისე იწვიმებს, როგორც ისმის რევოლუციის ჭექა-ქუხილი
სამოქალაქო ავიაციის საერთაშორისო ორგანიზაცია (იკაო) 75 წლისაა
გერმანელ ეკონომისტთა ჯგუფმა (GET) საქართველოს ფინანსური სექტორის მონიტორინგის პირველი ნაწილი წარადგინა
ლიბერთის და რუსთაველის თეატრის ერთობლივი ახალი სოციალური პროექტი
ლიბერთი UN Women-ის ქალთა გაძლიერების პრინციპების გლობალურ ინიციატივას უერთდება
სუპერმარკეტების ქსელი „მაგნიტი“ წამახალისებელი გათამაშების გამარჯვებულებს 14 დეკემბერს გამოავლენს
მედიკამენტებით უზრუნველყოფის გაუმჯობესების მიზნით PSP-ში გერმანულ წამყვან მწარმოებელ კომპანია „ბერლინ-ხემის“ წარმომადგენლებთან შეხვედრა შედგა
რატომ არის კომპანია TOYOTA-ს მიერ წარმოებული ავტომობილები ასეთი პოპულარული და როგორ ზრუნავს კომპანია ხარისხის მუდმივ გაუმჯობესებაზე
„სილქნეტმა“ მობილურ ქსელში უპრეცედენტო სამუშაოები ჩაატარა - დღეისათვის კომპანია მომხმარებელს უსწრაფეს, 4.5G ინტერნეტს სთავაზობს
BDO-მ მცირე და საშუალო სავაჭრო კომპანიების წამომადგენლებს კონფერენციაზე უმასპინძლა