ავღანეთის დედაქალაქში „თალიბანის“ მებრძოლები საერთაშორისო არასამთავრობო ორგანიზაციის ოფისს თავს დაესხნენ. ადგილზე აფეთქებაც იყო. თავდამსხმელებს წინააღმდეგობა უსაფრთხოების ძალების წარმომადგენლებმა გაუწიეს.
როგორც შინაგან საქმეთა მინისტრის პრესსპიკერი ნუსრატ რაჰიმი აცხადებს, თავდასხმის ობიექტი ორგანიზაცია Counterpart International-ი იყო, რომლის სათავო ოფისი აშშ-ში მდებარეობს და 2005 წლიდან ავღანეთში ოპერირებს. აღნიშნული ორგანიზაციის ოფისი ქაბულში გენერალური პროკურატურის შენობასთან მდებარეობს.
„ალ ჯაზირას“ ცნობით, ძალოვანი სტრუქტურების წარმომადგენლებსა და თავდასმხმელებს შორის სროლის შედეგად 10-მდე ადამიანი დაშავდა.
იხილეთ ვიდეო: ავღანეთის დედაქალაქში "თალიბანი" საერთაშორისო ორგანიზაციის ოფისებს თავს დაესხა