აშშ-ის სახელმწიფო მდივანი მაიკ პომპეო დიდ ბრიტანეთში ჩავიდა, რათა ქვეყნის მიერ ევროკავშირის დატოვების შემდეგ „სპეციალური ურთიერთობების“ საკითხი შეათანხმოს. ინგლისში პომპეო ირანის განცხადების ფონზე ჩავიდა, რომლის თანახმადაც, ირანმა შესაძლოა, შეწყვიტოს დიდი ბირთვული შეთანხმების ზოგიერთი ნაწილის დაცვა, რომელიც აშშ-მა გასულ წელს დატოვა. მაიკ პომპეო ლონდონში პრემიერ-მინისტრ ტერეზა მეის შეხვდება.

პომპეო ლონდონში ერაყში დაუგეგმავი ვიზიტის შემდეგ ჩავიდა, სადაც მან შეშფოთება გამოხატა ამერიკის უსაფრთხოებასთან დაკაშირებით ირანთან დაძაბულობის ზრდის ფონზე.

ამერიკელმა სამხედროებმა სამშაბათს განაცხადეს, რომ ბომბდამშენები B-52 იმ დამატებით ძალებში იქნებიან, რომლებიც ახლო აღმოსავლეთისკენ მიემართებიან, რათა წინ აღუდგნენ ირანის მხრიდან წამოსული საფრთხეების აშკარა ნიშნებს, რის შესახებაც დონალდ ტრამპის ადმინისტრაციაც აცხადებს.