რუმინეთში საქართველოს ელჩი ბრაშოვის ოლქს ეწვია

საქართველოს საგანგებო და სრულუფლებიანი ელჩი რუმინეთში, ნიკოლოზ ნიკოლოზიშვილი ბრაშოვის ოლქის ქალაქებს - ბრაშოვსა და ვიქტორიას ეწვია. ამის შესახებ „ინტერპრესნიუსს“ საქართველოს საგარეო საქმეთა სამინისტროდან აცნობეს.

მათი ინფორმაციით, თანამშრომლობის ორმხრივი საკითხების განხილვის მიზნით, ელჩმა შეხვედრა გამართა ბრაშოვის საოლქო საბჭოს ვიცე-პრეზიდენტთან, ადრიან გაბორთან, ბრაშოვის ოლქის პრეფექტთან, მარიან-იულიან როსალიუსთან, ქალაქ ბრაშოვის მერთან, ჯორჯ სკრიპკარუსთან, ბრაშოვის ეროვნული არქივის დირექტორთან, ბოგდან-ფლორინ პოპოვიჩთან და ქალაქ ვიქტორიას მერთან, გეორგე კრისტიანთან.

„ვიზიტის ფარგლებში გამართულ შეხვედრებზე ყურადღება გამახვილდა ორმხრივი ურთიერთობების გაღრმავების მნიშვნელობაზე, რეგიონებს შორის დაძმობილების შესაძლებლობებზე, ხალხთაშორისი კონტაქტების გაღრმავებასა და კულტურის, მეცნიერებისა და სავაჭრო-ეკონომიკურ სფეროებში კავშირების განმტკიცებაზე.

ქ. ვიქტორიას მერთან შეხვედრისას, მხარეებმა კმაყოფილებით აღნიშნეს, რომ ქალაქ ვიქტორიას საქართველოსთან აკავშირებს მეტად საინტერესო ფაქტი: მის სამ მთავარ ქუჩაზე განლაგებული სახლები, რომლებიც გასული საუკუნის 50-იან წლებს მიეკუთვნება, ცნობილი ქართველი არქიტექტორის, ლონგინოზ სუმბაძის პროექტით გაშენდა. აღსანიშნავია, რომ დღეს, ქალაქ ვიქტორიას მთავარ ქუჩებზე 60-მდე ქართული სახლი დგას“, - ნათქვამია საგარეო საქმეთა სამინისტროს მიერ გავრცელებულ ინფორმაციაში.

ვიტალი ბალა - დარწმუნებული ვარ, რომ პუტინთან შეხვედრის შემდეგ ზელენსკი რუსეთის პრეზიდენტთან მიმართებაში ვარდისფერ სათვალეებს მოიხსნის
ქართული პრესის მიმოხილვა 12.12.2019
თემურ გოჩიტაშვილი - TANAP-ის ამოქმედების შედეგად საქართველო საერთაშორისო მასშტაბის მოთამაშედ ჩამოყალიბდა
ბექა ინჯია - მაქსიმუმი უნდა გაკეთდეს იმისთვის, რომ არბიტრაჟისა და მედიაციის ინტიტუტების სტანდარტები საქართველოში მსხვილ ინვესტორთა მოთხოვნებს პასუხობდეს
ქართული USB კაბელი ტენე, მალე მეორადი ნარჩენებისგან დამზადდება