ჭიათურის მერობის კანდიდატი ზურაბ კუპატაძე სოფელ შუქურის ცენტრში ამომრჩევლებს შეხვდა. მოსახლეობასთან შეხვედრას ასევე, ესწრებოდა პარლამენტის დამოუკიდებელი დეპუტატი დავით ჭიჭინაძე.
„საზოგადოებასთან შეხვედრაზე ერთ-ერთი მთავარი საკითხი სოფლის ინფრასტრუქტურასთან, წყლით და ბუნებრივი აირით მომარაგებასთან დაკავშირებული საკითხები იყო. ასევე, მოსახლეობისთვის მნიშვნელოვან პრობლემას წარმოადგენს არასაკმარისი შეშა.
მერობის კანდიდატმა ამომრჩეველს გააცნო საარჩევნო პროგრამა და საკუთარი ხედვები ჭიათურის მუნიციპალიტეტში დაგროვილი პრობლემების გადაჭრის გზებზე“, - ნათქვამია „თავისუფალი საქართველოს“ მიერ გავრცელებულ ინფორმაციაში.