ეს იყო ცივილიზებული მსოფლიოს გამარჯვება ბოროტებაზე, ვინაიდან ფაშიზმი ბოროტებაა, - ამის შესახებ „თავისუფალი დემოკრატების“ წევრმა შალვა შავგულიძემ ფაშიზმზე გამარჯვების დღესთან დაკავშირებით ვაკის პარკში განაცხადა.
„9 მაისს ჩვენ ტრადიციულად აღვნიშნავთ ფაშიზმზე გამარჯვებას. ეს იყო ცივილიზებული მსოფლიოს გამარჯვევა ბოროტებაზე, ვინაიდან ფაშიზმი ბოროტებაა. მრავალმა ადამიანმა თავი დადო ამ ომში და ჩვენ რა თქმა უნდა პატივს მივაგებთ მათ ხსოვნას“, - განაცხადა შალვა შავგულიძემ.
მისი თქმით, ომის ვეტერანებს უდიდესი დამსახურება მიუძღვით ქვეყნის წინაშე.
„რა თქმა უნდა, რაც უფრო მეტ ყურადღებას გამოხატავს სახელმწიფო ვეტერანების მიმართ და რაც უფრო დააფასებს მათ, ეს უკეთესია არამარტო ვეტერანთათვის, არამედ საზოგადოებისთვისაც, ვინაიდან მათ ყველაზე დიდი დამსახურება აქვთ“, - განაცხადა შალვა შავგულიძემ.