ნათია თურნავა ინფორმაციაზე, რომ რუსეთი  ბაქო-თბილისი-ყარსის პროექტს უერთდება - საქართველოს მონაწილეობის გარეშე, პროექტში ვერანაირი ცვლილება ვერ შევა

ხელშეკრულების არც ერთი ცალკეული მხარე უფლებამოსილი არ არის ცალმხრივად შეცვალოს რამე ბაქო-თბილისი-ყარსის პროექტში, მით უფრო, საქართველოს ინტერესების საზიანოდ,-ამის შესახებ ეკონომიკისა და მდგრადი განვითარების მინისტრმა ნათია თურნავამ ჟურნალისტებს გავრცელებული ინფორმაციის კომენტირებისას განუცხადა, რომლის მიხედვითაც, რუსეთი ბაქო-თბილისი-ყარსის პროექტს უერთდება.

მისივე თქმით, შეხვედრები შესაძლოა, შედგეს სხვადასხვა ფორმატში და სხვა თემატიკაზე, მაგრამ საქართველოს მონაწილეობის გარეშე პროექტში ვერანაირი ცვლილება ვერ შევა.

„ეს შეხვედრა, სავარაუდოდ, ეხებოდა სხვა თემატიკას. შეიძლება გაიმართოს სხვადასხვა შეხვედრები სხვადასხვა ფორმატში და ალბათ, სხვა თემატიკას ეძღვნებოდა. შეიძლება საუბარი იყოს უბრალოდ ტვირთების მოზიდვაზე ჩვენს რეგიონში, მაგრამ არც ერთ ცალკეულ მხარეს არ აქვს უფლება, ცალმხრივად შეცვალოს რამე ამ პროექტში, ამ პროექტს იმ ფორმით ვახორციელებთ, როგორითაც არის დამტკიცებული და შეთანხმებული და შეესაბამება ჩვენს სუვერენულ ინტერესებს,"-გაცხადა თურნავამ.

ამასთან , მინისტრის თქმით, ბაქო-თბილისი- ყარსის პროექტი სტრატეგიული პროექტია, რომელიც შეესაბამება საქართველოს სუვერენულ ინტერესებს იმ ფორმით, როგორიც დღესაა დამტკიცებული და შეთანხმებული სამ სახელმწიფოს შორის, ანუ საქართველოს ტერიტორიაზე ლოგისტიკური ჰაბის მოწყობით.

ცნობისთვის, გავრცელდა ინფორმაცია, რომ რუსეთის, აზერბაიჯანის და თურქეთის სარკინიგზო კომპანიების ხელმძღვანელებმა ხელი მოაწერეს სამმხრივ მემორანდუმს სარკინიგზო გადაზიდვების განვითარებაში თანამშრომლობის თაობაზე და დოკუმენტი კოორდინირებულ მოქმედებებს ბაქო-თბილისი-ყარსის მარშრუტის რეგულარულ გადაზიდვების უზრუნველყოფის მიზნით და ეკონომიკურად დასაბუთებული ტარიფების დადგენას ითვალისწინებს.

რუსეთის რკინიგზის ინფორმაციით, რუსეთის, აზერბაიჯანისა და თურქეთის რკინიგზის ხელმძღვანელებმა ხელი მოაწერეს მემორანდუმს სარკინიგზო გადაზიდვების განვითარებაში თანამშრომლობის თაობაზე. რუსული მედიის ინფორმაციით, დოკუმენტი კოორდინირებულ მოქმედებებს ბაქო-თბილისი-ყარსის მარშრუტზეც ითვალისწინებს.

ლევან დოლიძე - ახლა განსაკუთრებით მნიშვნელოვანია აქტიურობა და ყველა იმ ინიციატიის განხილვა, რაც ჩვენი უსაფრთხოების გაძლიერების ახალ და ეფექტიან მექანიზმებს შექმნის
ქართული პრესის მიმოხილვა 26.11.2020
ზაალ ანჯაფარიძე - შესაძლოა, დასავლეთს არ ეპიტნავებოდეს „ქართული ოცნება,“ მაგრამ მან დაამტკიცა, რომ შეუძლია პარტნიორობაც და სტაბილურობის უზრუნველყოფაც, რაც დასავლეთისთვის პრიორიტეტულია
კოვიდ-19 პანდემიის ფონზე თანამედროვე საერთაშორისო სამოქალაქო ავიაციის სამართლებრივი პრობლემები და პერსპექტივები
ახალი Economy და Isolated კატეგორიები Bolt-ის აპლიკაციაში
ექსპოჯორჯია აგრო ექსპორტის ფორუმს ონლაინ, B2B ფორმატში გამართავს
„9 შავი პარასკევი“ ექსტრაზე Mastercard-ისგან
კრედო ბანკმა ევროპის განვითარების წამყვანი ფინანსური ინსტიტუტის - PROPARCO-სგან 5 მილიონი დოლარის ფინანსური რესურსი მოიზიდა
ლიბერთის აქცია #გულით პედაგოგებისთვის გრძელდება
„ვისოლის“ თვითმომსახურების სადგურზე „სმარტის“ სუპერმარკეტი და „დანკინის” ევროპაში პირველი Drive-Thru რესტორანი გაიხსნა
ათეა გენდერული ძალადობის წინააღმდეგ 16-დღიან გლობალურ კამპანიას უერთდება