გიგა ბოკერია - ნაფიც მსაჯულთა ინსტიტუტი არის ერთადერთი გზა, მოქალაქეებს ჰქონდეთ განცდა, რომ თვითონ მონაწილეობენ მართლმსაჯულების განხორციელებაში

ნაფიც მსაჯულთა ინსტიტუტი არის ერთადერთი გზა, მოქალაქეებს ჰქონდეთ იმის განცდა, რომ თვითონ მონაწილეობენ მართლმსაჯულების განხორციელებაში, - ამის შესახებ „ევროპული საქართველოს" წევრმა გიგა ბოკერიამ ჟურნალისტებს "ევროპული საქართველოს" ფრაქციების გაერთიანებულ სხდომაზე განუცხადა. შეხვედრაზე მართლმსაჯულების რეფორმის ფარგლებში, ნაფიც მსაჯულთა ინსტიტუტის გაძლიერების მნიშვნელობაზე საუბრობენ. სხდომას, ასევე, ესწრებიან დამოუკიდებელი დეპუტატები ლევან გოგიჩაიშვილი და ლევან კობერიძე.

„იქ, სადაც მოქალაქეებს შორის დიდი ხნის განმავლობაში საფუძვლიანად იყო ჩამოყალიბებული უნდობლობა, ნაფიც მსაჯულთა ინსტიტუტი საუკეთესო და მე ვიტყოდი ერთადერთი გზაა, მოქალაქეებს ჰქონდეთ განცდა, რომ თვითონ მონაწილეობენ მართლმსაჯულების განხორციელებაში. ეს არის ერთადერთი მექანიზმი, რომ მხარეებს შორის რეალური შეჯიბრებითობა იყოს. ყველა ის არგუმენტი, რომ ხალხს ვერ ვენდობით, რადგან კომპეტენტურები არ არიან, არის აბსურდი. ნაფიცი მსაჯულები არ საზღვრავენ იურიდიულ საკითხებს, ისინი საზღვრავენ რწმენის ამბავს და შინაგან რწმენაში პროფესიონალიზმი არ არსებობს. თუ ადამიანებს ვენდობით იმაში, რომ ბავშვები აღზარდონ და მთავრობა აირჩიონ, მათ უნდა შეეძლოთ, რომ მართლმსაჯულება განახორციელონ. ჩემი გუნდის შეცდომა იყო, ამ ინსტიტუტის ძალიან გვიან შემოღება, მაგრამ მისი ნაბიჯ-ნაბიჯ გაფართოების გეგმა იყო. ახალმა მთავრობამ პირველივე მარცხის შემდეგ მათთვის ლოგიკური გადაწყვეტილება მიიღო და ეს ყველაფერი დააკონსერვა. მინდა გაგახსენოთ ღარიბაშვილის სიტყვები პროკურატურის წაგებული საქმის შემდეგ, რომელმაც თქვა, რომ ნაფიც მსაჯულთა ინსტიტუტი წინა რეჟიმის ბოროტი გადმონაშთიაო. ამიტომ ძალიან მნიშვნელოვანია, რომ ეს ინიციატივა დავძრათ. ეს პარლამენტში იქნება შეტანილი და როგორც კი ამის პოლიტიკური შანსი იქნება, ეს საკითხი ორგანიზებულად და სწრაფად უნდა დაიძრას", - განაცხადა გიგა ბოკერიამ.

ვიქტორ ყიფიანი - შავი ზღვის რეგიონისადმი დასავლეთის მიდგომა ოპერატიულად გადახედვასა და მისადაგებას საჭიროებს
ქართული პრესის მიმოხილვა 03.07.2020
კახა კუკავა - „თავისუფალი საქართველოს“ გარდა, მთელი პოლიტიკური სპექტრი დაშლილებში აწყობილი პარტიებია - ზოგი „ქოცების“ დაშლილებია, ზოგი „ნაცების“
ყაზახეთის რესპუბლიკის ელჩი საქართველოში - ყაზახეთის მიღწევა: პირველი პრეზიდენტის ნ. ნაზარბაევის როლზე (R)
თიბისი იპოთეკური სესხების სუბსიდირების სახელმწიფო პროგრამაში ერთვება
როგორ ვლინდება ლაქტოზის აუტანლობა და რით შეგვიძლია ჩავანაცვლოთ ცხოველური რძე ბავშვთა კვებაში?
მაკა ასათიანი განცხადებას ავრცელებს
„მზადება ზაფხულისთვის“  (R)
"პროკრედიტ ბანკმა" საკუთარი მზის ელექტროსადგური წარადგინა