სულხან სალაძე მაჩალიკაშვილზე - თუ ამ ადამიანმა რეალურად დაგეგმა, რომ ტერაქტი ყოფილიყო ჩადენილი, როგორც სუს-ი აცხადებს, ცხადია, მიღებული უნდა იყოს სხვა ზომებიც

როდესაც სუს-ი დაბეჯითებით საუბრობს, რომ 23 მარტს ნამდვილად იყო ასეთი საუბარი კონკრეტულ პირებს შორის, ცხადია, უნდა გვითხრან, რას ემსახურება მხოლოდ ამ ინფორმაციის გასაჯაროება, - ამის შესახებ საია-ს თავმჯდომარემ სულხან სალაძემ ჟურნალისტებს სუს-ის მიერ გამოქვეყნებული ფარული ჩანაწერისა და მალხაზ მაჩალიკაშვილის შესაძლო დანაშაულის ჩადენაზე დასმული კითხვის საპასუხოდ განუცხადა. თუმცა, სალაძე მიიჩნევს, რომ თუ მალხაზ მაჩალიკაშვილმა რეალურად დაგეგმა პროცესების წარმართვა ისე, რომ ტერაქტი ყოფილიყო ჩადენილი, ცხადია, უნდა იყოს მიღებული სხვა ზომებიც.

„სამწუხაროდ, ჩვენ შევეჩვიეთ, როდესაც სამართალდამცავი ორგანოები რიგ შემთხვევაში ფრაგმენტულად ავრცელებენ ინფორმაციას და ამით ხდება საზოგადოებრივი აზრის შექმნა. მხოლოდ ეს ნაწილი ინფორმაციისა თავისთავად ძალიან რთულია და ასევე რთულია საუბარი იმაზე, კონკრეტულ პირს მიუძღვის თუ არა დანაშაული კონკრეტულ საქმესთან მიმართებაში. ამიტომ ვფიქრობ, რომ აუცილებელია უფრო მეტი ინფორმაცია სახელმწიფო უსაფრთხოების სამსახურის მხრიდან მიეწოდოს საზოგადოებას, ვინაიდან ის ინფორმაცია, რომელიც გავრცელდა, ბევრს არაფერს ამბობს გარდა იმისა, რომ ერთი კონკრეტული დღის ჩანაწერია როგორც ამას სუს-ი აცხადებს. თუმცა, ვიცით, რომ გამოძიება ჯერ კიდევ გასული წლის მაისშია დაწყებული და იმ დროიდან მოყოლებული თუ ეს პროცესი მიმდინარეობდა, ლოგიკური იქნებოდა, რომ უსაფრთხოების სამსახურს მეტი ინფორმაცია მიეწოდებინა საზოგადოებისთვის. როდესაც სუს-ი დაბეჯითებით საუბრობს, რომ 23 მარტს ნამდვილად იყო ასეთი საუბარი კონკრეტულ პირებს შორის, ცხადია, უნდა გვითხრან, რას ემსახურება მხოლოდ ამ ინფორმაციის გასაჯაროება. ამასთან, თუ ამ ადამიანმა რეალურად დაგეგმა ამ პროცესების წარმართვა იმ მხარეს, რომ ტერაქტი ყოფილიყო ჩადენილი, როგორც თავად აცხადებენ, ცხადია, უნდა იყოს მიღებული სხვა ზომებიც. ძალიან ცუდია ის, რომ გაუთქმელობის დოკუმენტზე აქვთ ხელი მოწერილი ადვოკატს და ერთ-ერთ გამოკითხულ პირს, ეს ნიშნავს, რომ პროკურატურას, გამოძიებას ექნებათ საშუალება მათთვის სასურველ ინფორმაციაზე ისაუბრონ, ხოლო მეორე მხარე ვერ ისაუბრებს ღიად იმ პროცესზე, რაზეც იქნება საუბარი გამოძიების პროცესში",- განაცხადა სალაძემ.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს