ჩვენი მიზანია იმ მაქსიმალური ზრდის პარამეტრის მიღწევა, რაც შესაძლებელია რეგიონის და ქვეყნის დინამიკის გათვალისწინებით, - ამის შესახებ
მთავრობის სხდომის დასრულების შემდეგ საქართველოს ვიცე-პრემიერმა მაია ცქიტიშვილმა ჟურნალისტებთან განაცხადა.
„არ იქნება სწორი ციფრებით მანიპულირება და გაორმაგებაზე ან გასამმაგებაზე საუბარი. ყველას გვინდა გაცილებით მეტი, მაგრამ ის პარამეტრები რაც გვაქვს, ასახავს როგორც საქართველოს, ისე რეგიონის ქვეყნების განვითარების დინამიკას და არსებულ პრობლემებს. ჩვენი საერთაშორისო პარტნიორებიც აფასებენ დინამიკას და ძირითადად, მათი შეფასებები ემთხვევა ჩვენს შეფასებებს“, - აღნიშნა მაია ცქიტიშვილმა.
მისივე თქმით, ბოლო პერიოდში პოზიტიური ნიშნით შეიცვალა საერთაშორისო სარეიტინგო კომპანიების fitch-ის და Moody's-ის პროგნოზებიც.
ინფორმაციას რეგიონული განვითარებისა და ინფრასტრუქტურის სამინსიტრო ავრცელებს.