ნინო ბურჯანაძე ლატვიის ელჩს, ინგრიდა ლევრენცეს შეხვდა

ნინო ბურჯანაძე საქართველოში ლატვიის საგანგებო და სრულუფლებიან ელჩს, ინგრიდა ლევრენცეს შეხვდა. ამის შესახებ „დემოკრატიული მოძრაობის“ პრესსამსახურიდან აცნობეს.

როგორც „დემოკრატიული მოძრაობის“ ლიდერი ნინო ბურჯანაძე აცხადებს, ის პირველად შეხვდა ლატვიის საგანგებო და სრულუფლებიან ელჩს ინგრიდა ლევრენცის.

„მიუხედავად ამისა, შეხვედრა ძალიან საინტერესო და მეგობრულ ატმოსფეროში წარიმართა.

საუბრის დასაწყისშივე ხაზი გაესვა ლატვიის რესპუბლიკის საქართველოს სახელმწიფოსადმი დიდიხნის კეთილგანწობას და მეგობრობას, რომელიც ყოველთვის იგრძნობოდა. ქალბატონ ელჩთან საუბრისას ნინო ბურჯანაძემ ლატვიის პოლიტიკური ცხოვრებიდან რამდენიმე ფაქტი გაიხსენა, რაც სამაგალითო უნდა იყოს საქართველოში დემოკრატიის გასავითარებლად.

ინგრიდა ლევრენცი დაინტერესდა, თუ რა გეგმები ჰქონდა „დემოკრატიულ მოძრაობას“ და რას ფიქრობდა პარტიის ლიდერი ქვეყანაში მიმდინარე პოლიტიკურ პროცესებზე.

ნინო ბურჯანაძემ ლატვიის ელჩს პარტიის სამომავლო გეგმები გააცნო და ამასთანავე გაუზიარა თავისი შეხედულება არსებული საარჩევნო სისტემის მანკიერ მხარეებზე, ქვეყანაში არსებული დემოკრატიის დაბალ ხარისხზე და ერთპარტიულ მმართველობაზე. ნინო ბურჯანაძემ ლატვიის ელჩს განუცხადა ის და მისი გუნდი იბრძოლებენ 2020 წლის საპარლამენტო არჩევნებში გამარჯვებისთვის, რაზეც ქალბატონმა ელჩმა უპასუხა რომ განსაკუთრებული ინტერესითა და ყურადღებით დააკვირდება ნინო ბურჯანაძისა და მისი გუნდის პოლიტიკურ აქტივობებს და სხვა პოლიტიკურ მოვლენებს, რაზეც „დემოკრატიული მოძრაობის“ ლიდერმა ლატვიის საგანგებო და სრულუფლებიან ელჩს მადლობა გადაუხადა და იმედი გამოთქვა, რომ მომავალში კვლავ შეხვდებიან ერთმანეთს“, - აღნიშნულია „დემოკრატიული მოძრაობის“ პრესსამსახურის მიერ გავრცელებულ ინფორმაციაში.

ვიქტორ ყიფიანი - შავი ზღვის რეგიონისადმი დასავლეთის მიდგომა ოპერატიულად გადახედვასა და მისადაგებას საჭიროებს
ქართული პრესის მიმოხილვა 03.07.2020
კახა კუკავა - „თავისუფალი საქართველოს“ გარდა, მთელი პოლიტიკური სპექტრი დაშლილებში აწყობილი პარტიებია - ზოგი „ქოცების“ დაშლილებია, ზოგი „ნაცების“
ყაზახეთის რესპუბლიკის ელჩი საქართველოში - ყაზახეთის მიღწევა: პირველი პრეზიდენტის ნ. ნაზარბაევის როლზე (R)
თიბისი იპოთეკური სესხების სუბსიდირების სახელმწიფო პროგრამაში ერთვება
როგორ ვლინდება ლაქტოზის აუტანლობა და რით შეგვიძლია ჩავანაცვლოთ ცხოველური რძე ბავშვთა კვებაში?
მაკა ასათიანი განცხადებას ავრცელებს
„მზადება ზაფხულისთვის“  (R)
"პროკრედიტ ბანკმა" საკუთარი მზის ელექტროსადგური წარადგინა