ვაზიანის სამხედრო ბაზაზე გარდაცვლილი ჯარისკაცის ახლობლებს თვითმკვლელობის ვერსიის არ სჯერათ

ვაზიანის ბაზაზე გარდაცვლილი სამხედრო მოსამსახურე ვანის მუნიციპალიტეტის მკვიდრია. გარდაცვლილი ვალოდი მახათაძე სოფელ შუამთაში ცხოვრობდა. ახლობლების ინფორმაციით, ის ჯარში რამდენიმე თვეა, რაც მსახურობდა.

მათივე ინფორმაციით, ოჯახს დღეს შეატყობინეს, რომ ჯარისკაცმა თავი მოიკლა. ახლობლებს და მეზობლებს თვითმკვლელობის ვერსიის არ სჯერათ. გარდაცვლილის ოჯახში კომენტარს არ აკეთებენ. ჯარისკაცს ოჯახში, სავარაუდოდ, დღეს გადაასვენებენ.

იხილეთ ვიდეო: "ნერვიულობდა, სამჯერ იყო შესული, სადაც იარაღი ინახება" - ახლობლების ინფორმაციით თავდაცვის სამინისტროს სამხედრო ბაზაზე გარდაცვლილმა ჯარისკაცმა თავი მოიკლა