გერმანიის მთავრობის კოორდინატორი რუსეთის, ცენტრალური აზიისა და „აღმოსავლეთ პარტნიორობის“ ქვეყნებში დირკ ვიზე ევროკავშირის ინიციატივას „აღმოსავლეთის პარტნიორობას“ წარმატებულს უწოდებს და ამბობს, რომ საქართველო ამ წარმატების ერთ-ერთი საუკეთესო მაგალითია.
გერმანელი პოლიტიკოსის თქმით, ევროკავშირსა და საქართველოს შორის დადებულია ფართომასშტაბიანი შეთანხმება ასოცირების შესახებ და ორ წელზე მეტია, საქართველოს მოქალაქეები სარგებლობენ შენგენის ზონაში უვიზოდ შესვლის უფლებით.
„ერთიც და მეორეც, განსაკუთრებით ახალგაზრდებისთვის, მნიშვნელოვანი პოლიტიკური სიმბოლოა“ , - განაცხადა დირკ ვიზე.
დირკ ვიზე საქართველოში ვიზიტით 13 მაისს ჩამოდის.