ივანე მერაბიშვილმა დაასახელა რამდენიმე პირის ზოგადი მახასიათებლები, რომლებიც მისი განმარტებით, მონაწილეობას იღებდნენ მისი საკნიდან გაყვანაში, - აღნიშნული ინფორმაცია ჟურნალისტებს ე.წ. მატროსოვის ციხესთან გამომძიებელმა თამუნა ვახანიამ მიაწოდა.

როგორც ის განმარტავს, მერაბიშვილმა მისი საკნიდან გაყვანის შესაძლო ფაქტში მონაწილე პირების ზოგადი აღწერა განახორციელა.

"მოწმის სახით გამოიკითხა ივანე მერაბიშვილი. მან დაასახელა რამდენიმე პირის ზოგადი მახასიათებლები, რომლებიც მისი განმარტებით, მონაწილეობას იღებდნენ სასჯელაღსრულების დაწესებულებიდან მის გაყვანასთან დაკავშირებით.

გამოძიება მაინც აუცილებლად შეაფასებს მის მიერ მოწოდებულ ზოგადი ხასიათის ინფორმაციას. აუცილებლად შეფასდება ყველა აღნიშნული გარემოება. აღნიშნულის გათვალისწინებით, შემდეგში დაიგეგმება და ჩატარდება ყველა აუცილებელი საგამოძიებო და საპროცესო მოქმედება", - განაცხადა ვახანიამ.

ცნობისთვის, ე.წ. მატროსოვის ციხეში შინაგან საქმეთა ყოფილი მინისტრი, ვანო მერაბიშვილი 2013 წელს მისი ციხის საკნიდან გაყვანის ფაქტთან დაკავშირებით გამოკითხეს.

იხილეთ ვიდეო