ჭავჭავაძის გამზირზე გამართული აქციის დროს დაკავებული 6 პირის საქმეზე სასამართლომ გადაწყვეტილება შესაძლოა, ხვალ გამოაცხადოს

ჭავჭავაძის გამზირზე გამართული აქციის დროს, ადმინისტრაციული სამართალდარღვევის ფაქტზე დაკავებული 6 პირის საქმეზე სასამართლომ გადაწყვეტილება შესაძლოა, ხვალ გამოაცხადოს.

სასამართლო პროცესი თბილისის საქალაქო სასამართლოში 16:00 საათზეა დანიშნული.

ცნობისთვის, დაკავებული პირები: კახა ავალიშვილი, ცოტნე ცხვედიანი, ვახუშტი მენაბდე, გიორგი კობახიძე, გიორგი სოფრომაძე და დავით სუბელიანი 2 აპრილს, ხელწერილის საფუძველზე გაათავისუფლეს.

ექვსივე პირი საზოგადოებრივი წესრიგისა და პოლიციელის კანონიერი მოთხოვნის დაუმორჩილებლობისთვის ადმინისტრაციული სამართალდარღვევათა კოდექსის 166-ე და 173-ე მუხლებით დააკავეს.

შეგახსენებთ, რომ აქცია ჭავჭავაძის გამზირზე, სამშენებლო სამუშაოების მიმდინარეობისას მიწის ჩამოიშლის შედეგად ორი ადამიანის დაღუპვის გამო გაიმართა.