საუდის არაბეთში ნავთობის ორ სადგურზე შეიარაღებული დრონებით თავდასხმა მოხდა, რის გამოც ნავთობის კონცერნმა Saudi Aramco-მ უსაფრთხოების ნორმებიდან გამომდინარე, აღმოსავლეთ დასავლეთის მილსადენზე ნავთობის გადაქაჩვა შეაჩერა, რომლის მეშვეობითაც ნავთობი იანბუ-ელ-ბაჰრის პორტს მიეწოდება. ამის შესახებ „დოიჩე ველეს“ ინფორმაციით, საუდის არაბეთის ენერგეტიკის მინისტრმა ჰადელ ალ-ფალეხმა განაცხადა.
მინისტრის განცხადებით, ნავთობის ერთ-ერთ სადგურზე ამ თავდასხმის შედეგად, ხანძარი გაჩნდა. თუმცა, ხანძრის კერის კონტროლს დაქვემდებარება მოხერხდა. მსხვერპლის შესახებ ინფორმაცია არ ვრცელდება.
მომხდარზე პასუხისმგებლობა უკვე აიღო იემენის ამბოხებულმა ჰუსიტებმა, რომლებმაც განაცხადეს, რომ ეს იყო მათი მსხვილი სამხედრო ოპერაცია საუდის არაბეთის მხრიდან იემენელი ხალხის წინააღმდეგ აგრესიისთვის.