ამერიკის სახელმწიფო მდივნის მაიკ პომპეოს განცხადებით, რუსეთის საგარეო საქმეთა მინისტრი ამერიკის მომდევნო საპრეზიდენტო არჩევნებში ჩარევასთან დაკავშირებით გააფრთხილა. ამის შესახებ „ასოშიეთიდ პრესი“ იუწყება.
სოჭში, სერგეი ლავროვთან გამართული სამსაათიანი შეხვედრის შემდეგ პრესკონფერენციაზე პომპეომ განაცხადა, რომ „ამერიკის არჩევნებში ჩარევა მიუღებელია და თუკი რუსები 2020 წელს ამით დაკავდებიან, ეს ჩვენ ურთიერთობებს კიდევ უფრო გააუარესებს, ვიდრე დღემდე იყო“.
მისი თქმით, შეერთებული შტატები არ დაუშვებს არც ერთი ქვეყნის ჩარევას თავის საქმეებში, რადგან არჩევნები ყველაზე მნიშვნელოვანი თემაა ამერიკისთვის.
პომპეოს განცხადებით, ვაშინგტონს სურს მოსკოვთან ურთიერთობის ნორმალიზება და ყველაფერს აკეთებს ამისთვის.