გიორგი ქობულიასთან გვექნება შეკითხვები, კონკრეტულად რა პროექტებზე საუბრობდა, როცა თქვა, რომ ხელისუფლების მხრიდან პროექტების შეფერხება ხდება, - ამის შესახებ „ნაციონალური მოძრაობის“ წევრმა, სალომე სამადაშვილმა ჟრნალისტებს განუცხადა.
ეკონომიკისა და მდგრადი განვითარების ყოფილი მინისტრი გიორგი ქობულია პარლამენტში დღეს მივა.
როგორც სალომე სამადაშვილმა აღნიშნა, გიორგი ქობულიასთან ბევრი კითხვა იქნება.
„გიორგი ქობულიამ ძალიან მნიშვნელოვანი განცხადება გააკეთა, რომ ფაქტობრივად, ხელისუფლების მხრიდან ხდება შეფერხება იმ პროექტების, რომელიც არის უმნიშვნელოვანესი ჩვენი ქვეყნის ეკონომიკური განვითარებისთვის. რა თქმა უნდა, გვექნება შეკითხვები, თუ რა პროექტებზე საუბრობდა კონკრეტულად. იმედი გვაქვს, ის უფრო ამომწურავად ისაუბრებს ამ პრობლემებზე", - განაცხადა სამადაშვილმა.